Fjórir sækj­ast eftir þriðja sæt­inu á lista Sam­fylk­ing­ar­innar í Reykja­vík. Flokksval fer fram þann 10. febr­ú­ar.

Sabine Leskopf vara­borg­ar­full­trúi sendi út yfir­lýs­ingu í gær þar sem hún býður sig fram í 3.-4. sæti í próf­kjör­inu. Hún hefur verið vara­borg­ar­full­trúi frá árinu 2014, setið fyrir hönd Sam­fylk­ing­ar­innar í skóla- og frí­stunda­ráði og mann­réttinda­ráði, verið for­maður heil­brigð­is­nefndar og vara­maður í inn­kaupa­ráði.

Sabine er upp­haf­lega frá Þýska­landi en hefur búið á Íslandi frá árinu 2000. Hún er menntuð í við­skipta­fræði, erlendum tungu­málum og kennslu­fræði. Sabine leggur áherslu á inn­flytj­enda­mál og hefur meðal ann­ars gegnt emb­ætti for­manns Sam­taka kvenna af erlendum upp­runa.

Í dag sendi síðan Hjálmar Sveins­son borg­ar­full­trúi frá sér yfir­lýs­ingu þar sem hann sæk­ist eftir 3. sæt­inu. Hann hefur verið kjör­inn borg­ar­full­trúi frá árinu 2014 og seg­ist sem for­maður umhverf­is- og skipu­lags­ráðs hafa beitt sér í þágu þétts og mann­væns borg­ar­um­hverf­is. Hjálmar vill efla val­kosti á hús­næð­is­mark­aði og í sam­göng­um. Berj­ast fyrir því að borg­ar­línan verði til, fái pláss og fjár­magn, byggður verði flug­völlur í Hvassa­hrauni til að hægt verði að byggja upp í Vatns­mýr­inni.

Áður höfðu þeir Aron Leví Beck for­maður ungra jafn­að­ar­manna í Reykja­vík og borg­ar­full­trú­inn Skúli Helga­son lýst yfir fram­boði í 3. sætið í for­vali Sam­fylk­ing­ar­inn­ar.