Björgólfur Thor Björg­ólfs­son, athafna­maður og fyrr­ver­andi kjöl­festu­eig­andi í Lands­bank­an­um, segir í nýrri stöðu­færslu á vef sínum að þótt því hafi verið vand­lega haldið leyndu fyrir skatt­rann­sókn­ar­stjóra hverjir eigi aflands­fé­lagið Dek­hill Advis­ors Limited þá hafi „ýmsir sem þekkja þokka­lega til hafa hvíslað því að mér að þar að baki séu stærsti hlut­hafi og æðstu stjórn­endur Kaup­þings.“

­Stæsti ein­staki hlut­hafi Kaup­þings fyrir banka­hrun var Exista, fjár­fest­inga­fé­lag þar sem ráð­andi eig­endur voru bræð­urnir Ágúst og Lýður Guð­munds­syn­ir.

Í skýrslu rann­sókn­ar­nefndar Alþingis um aðkomu Hauck & Auf­häuser að kaup­unum á 45,8 pró­­sent hlut í Bún­­að­­ar­­bank­­anum í jan­úar 2003, sem birt var í fyrra, kom fram að aflands­fé­lagið Dek­hill Advis­ors Limited, skráð á Tortóla, hafi hagn­ast um 46,5 millj­ónir Banda­ríkja­dala, 2,9 millj­arða króna á þávirði, á fléttu sem ofin var í kringum kaupin á bank­an­um. Á núvirði er upp­hæðin um 4,7 millj­arðar króna.

Niðurstöður rann­sókn­ar­innar sýndu að ítar­leg gögn styðji að Hauck & Auf­häuser, Kaup­­þing hf. á Íslandi, Kaupt­hing Bank Lux­em­bo­urg og hópur manna sem vann fyrir og í þágu Ólafs Ólafs­­sonar fjár­­­festis hafi not­að leyn­i­­lega samn­inga til að fela raun­veru­­legt eign­­ar­hald þess hlutar sem Hauck & Auf­häuser átti í Bún­­að­­ar­­bank­­anum í orði kveðnu.  

Hafna aðkomu, vilja ekki aðstoða eða muna ekki

Rann­sókn­ar­nefndin komst ekki að því hver væri eig­andi Dek­hill Advis­ors með óyggj­andi hætti né hverjir hafi haft aðgang að þeim fjár­munum sem fóru til félags­ins í gegnum bak­samn­inga. Nefndin ályktaði hins vegar að aðilar tengdir Kaup­þingi hafi verið eig­endur þess. Síðan þá hefur verið reynt að sann­reyna hverjir þeir eru, en án árang­urs.

Hreiðar Már Sig­urðs­son, fyrr­ver­andi for­stjóri Kaup­þings, sagði í svar­bréfi sínu við spurn­ingum nefnd­ar­innar að hann teldi „óhætt að full­yrða að ég hafi aldrei heyrt minnst á félagið Dek­hill Advis­ors Limited fyrr en í bréfi nefnd­ar­inn­ar“. Sig­urður Ein­ars­son, fyrr­ver­andi stjórn­ar­for­maður Kaup­þings, sagð­ist í sínu bréfi ekki geta „að­stoðað nefnd­ina við að svara þeim spurn­ingum sem að mér er bein­t“.

Bræðurnir Ágúst og Lýður sögðu í sam­hljóma svar­bréfum að þeim reki ekki minni til þeirra atriða sem nefnd voru í bréfi rann­sókn­ar­nefnd­ar­inn­ar.

Skatt­rann­sókn­ar­stjóri fær ekki upp­lýs­ingar

Kjarn­inn greindi frá því fyrir mán­uði síðan að emb­ætti skatt­rann­sókn­ar­stjóra fái ekki upp­lýs­ingar um hver eig­andi Dek­hill Advis­ors sé frá sviss­neskum yfir­völd­um. Ástæðan sé sú að eig­endur félags­ins lögðu fram vott­orð þess efnis að þeir væru ekki skatt­skyldir á Íslandi, og þar af leið­andi töldu yfir­völd í Sviss sig ekki geta veitt emb­ætt­inu upp­lýs­ing­arn­ar.

Í svari Bryn­dísar Krist­jáns­dóttur skatt­rann­sókn­ar­stjóra við fyr­ir­spurn Kjarn­ans sagð­i:„Skatt­rann­sókn­ar­stjóri telur sig hafa trú­verð­ugar vís­bend­ingar um það hvaða aðil­i/að­ilar þarna er um ræða og hefur upp­lýst skatt­yf­ir­völd við­kom­andi ríkis um mál­ið. Eftir atvikum geta þau þá fylgt mál­inu eftir telja þau ástæðu til.“