Íslend­ingum þykir bæt­ing vel­ferð­ar­kerf­is­ins og auk­inn jöfn­uður í sam­fé­lag­inu mik­il­væg­ustu mál­efnin sam­kvæmt nýrri könnun EMC. Í henni var kannað hvað Íslend­ingar teldu vera mik­il­væg­ustu mál­efnin um þessar mund­ir, en úrtakið var 800 manns.

Flestir nefndu bæt­ing vel­ferð­ar­kerf­is­ins sem mik­il­væg­asta mál­efnið eða 64,1 pró­sent í heild­ina. Fast á hæla þess þótti mál­efnið að draga úr fátækt og auka jöfnuð í sam­fé­lag­inu mik­il­væg­ast eða rúm­lega 60 pró­sent. Þar á eftir kom skyn­sam­leg nýt­ing nátt­úru­auð­linda, verndun umhverf­is­ins og tak­mörkun spill­ing­ar. ­Mál­efnið sem skor­aði lægst er bætt mót­taka flótta­manna með aðeins 17,6 pró­sent. Aðeins 19,3 pró­sent sögðu auk­inn hag­vöxt mik­il­væg­asta mál­efn­ið. 

Tölu­verðan mun má greina á afstöðu fólks eftir bak­grunns­breytum en breyt­urnar voru kyn, búseta, ald­urs­hópur og hvað mynd­iru kjósa núna. Konur eru lík­legri en karlar til að nefna umhverf­is­mál, tak­mörkun spill­ing­ar, aukið kynja­jafn­rétti og minnkun fíkni­efna­notk­un­ar. Yngra fólk leggur meiri áherslu en það eldra á bætt vel­ferð­ar­kerfi, umhverf­is­mál, lækkun skatta og aukið jafn­rétti kynj­anna.

Tals­verður munur eftir flokkum

Áhuga­vert er að sjá að í nið­ur­stöðum könn­un­ar­innar voru mik­il­væg­ustu mál­efn­inin annað hvort bæt­ing vel­ferð­ar­kerf­is­ins eða að draga úr fátækt­/auka jöfnuð hjá öllum flokk­um.

Þeim flokki sem fannst mik­il­væg­asta að lækka skatta er Flokkur fólks­ins eða um 66 pró­sent. Það mál­efni þótti einnig mik­il­vægt hjá stuðn­ings­mönnum Mið­flokks­ins eða um 54 pró­sent og hjá Sjálf­stæð­is­flokknum þóttu 43,5 pró­sent þeirra sem myndu kjósa flokk­inn það mik­il­væg­ast að lækka skatta.  

Rúm­lega helm­ingur stuðn­ings­manna Mið­flokks­ins þótti mik­il­væg­ast að tak­marka fjölda inn­flytj­enda eða 52,5 pró­sent. En það að tak­marka inn­flytj­endur þótti aðeins 4 pró­sent stuðn­ings­mönnum Sam­fylk­ing­ar­innar mik­il­væg­ast.

Tak­mörkun spill­ingar mik­il­væg 

Lands­mönnum þótti einnig mál­efnið tak­mörkun spill­ingar mik­il­vægt en í heild­ina svör­uðu 49 pró­sent því sem einu af mik­il­væg­ustu mál­efn­un­um. Það þótti mik­il­væg­ast hjá stuðn­ings­mönnum Pírata 67,7 pró­sent en það þótti einnig mjög mik­il­vægt hjá Flokki Fólks­ins eða 64,2 pró­sent.

Píratar og stuðn­ings­menn VG leggja mestu áherslu á jafn­rétti kynj­anna. ­Stuðn­ings­menn Sam­fylk­ing­ar­innar ásamt stuðn­ings­fólki Við­reisnar og Pírata leggja mesta áherslu á skyn­sam­lega nýt­ingu nátt­úrauð­linda. 

Stuðn­ings­menn Sjálf­stæð­is­flokks­ins, Fram­sókn­ar­flokks­ins og Mið­flokks­ins lögðu mikla áherslu á minnkun fíkni­efna­notk­unar en á hinn bóg­inn þótti Píratar ólík­leg­astir til að telja mik­il­væg­ast að draga úr fíkni­efna­notk­un.