Krist­ján Þór Júl­í­us­son, sjáv­ar­út­vegs- og land­bún­að­ar­ráð­herra, hefur óskað eftir því að ráð­gjafa­nefnd um inn- og útflutn­ing land­bún­að­ar­vara end­ur­meti hvort þörf sé á því að opna toll­kvóta á lamba­hryggjum í ljósi nýrra upp­lýs­inga sem nefnd­inni bár­ust frá fram­leið­end­um. Nefnd­inni ber að skila nið­ur­stöðu í þess­ari viku.

Frá þessu er greint í frétt ráðu­neyt­is­ins í dag.

Frá því í vor hefur ráð­gjafa­nefnd um inn- og útflutn­ing land­bún­að­ar­vara reglu­lega fengið til­kynn­ingar um skort á lamba­hryggjum frá dreif­ing­ar­að­il­um. Þann 22. júlí síð­ast­lið­inn fékk nefndin upp­lýs­ingar sem bentu til þess að það stefndi í skort hjá stórum hluta fram­leið­end­anna sem ýmist voru búnir að tæma sínar birgð­ir, áttu lítið eftir eða gátu ekki annað dreif­ingu með góðum hætti.

Lögðu til­ að felld yrði niður inn­flutn­ings­vernd á lamba­hryggjum tíma­bundið

Í frétt ráðu­neyt­is­ins segir að til að tryggja fram­boð á vör­unni til neyt­enda hafi nefndin lagt til við ráð­herra að felld yrði niður inn­flutn­ings­vernd á lamba­hryggjum tíma­bund­ið, eða frá 29. júlí fram til 30. ágúst á þessu ári. 

Áður en ráð­herra tók afstöðu til til­lögu nefnd­ar­innar fékk nefndin upp­lýs­ingar um breytta birgða­stöðu fram­leið­enda sem kunna að hafa áhrif á hvort laga­skil­yrðum fyrir opnun toll­kvóta sé full­nægt. Í ljósi þessa og með vísan til búvöru­laga hefur ráð­herra óskað eftir því að nefndin taki málið aftur til afgreiðslu og ljúki yfir­ferð­inni í þess­ari viku.