Kór­óna­veiran er farin að hafa umfangs­mikil nei­kvæð áhrif á gang efna­hags­mála víðs vegar í Asíu, og sjá stjórn­völd í Singapúr fram á hrun í ferða­þjón­ustu í land­inu. Fleiri ríki í álf­unni sjá fram á svip­aða þró­un.

Yfir þús­und manns eru nú látn­ir, en lík­legt er talið að tala lát­inna muni hækka hratt á næst­unni, einkum í Kína. 

Frá þessu var greint á vef Bloomberg í gær, en í Singapúr búa 5,6 millj­ónir manna en landið fékk rúm­lega 18 millj­ónir ferða­manna til lands­ins árið 2018, og ferða­þjón­usta er hryggjar­stykki í efna­hags­lífi lands­ins. 

Sam­kvæmt umfjöllun Bloomberg telja stjórn­völd í Singapúr að 25 til 30 pró­sent fall verði í ferða­þjón­ustu í land­inu, vegna Kór­óna­veirunn­ar. 

Keith Tan, yfir­maður sam­taka ferða­þjón­ust­unnar í Singapúr, segir í við­tali við Bloomberg að landið sé nú að tapa um 18 til 20 þús­und ferða­mönnum á hverjum degi vegna veirunnar - frá því sem var fyrir hana – en gríð­ar­lega umfangs­miklar ferða­tak­mark­anir eru nú víða í Asíu, ekki síst í Kína, sem miða að því að hefta útbreiðslu veirunn­ar. 

Þá hafa skemmti­ferða­skip verið kyrr­sett, þar sem veiran hefur greinst meðal far­þega, og þeim lokað og far­banni komið á, meðal ann­ars í tæp­lega 1.500 manna far­þega­skipi í Sín­gapúr. 

Sam­kvæmt upp­lýs­ingum frá kín­verskum yfir­völdum hafa nú 1.016 manns látið lífið vegna veirunn­ar, að því er breska rík­is­út­varpið BBC greindi frá í gær. 

Búist er við því að við­bún­aður muni fara vax­andi á meðal ríkja í Evr­ópu og ann­ars staðar í heim­in­um, á næstu miss­erum, vegna útbreiðslu veirunn­ar. Ekki hefur þó verið gripið til mik­illa ferða­tak­mark­ana vegna hennar enn­þá.