Ofursmellur Pharell Willi­ams, „Happy“, er mest streymda lagið á Spotify það sem af er árinu 2014, Katy Perry var sá kvenn­kyns tón­list­ar­maður sem fékk mesta hlustun og Ed Sheeran varð hlut­skarpastur karl­kyns-tón­list­ar­manna. Plata Ed Sheer­an, „x“, var auk þess mest streymda plata í heim­inum og Cold­play var sú hljóm­sveit sem not­endur Spotify hlust­uðu mest á. Þetta kemur fram í nýbirtum lista Spoti­fy, „Year In Revi­ew“, þar sem horft er aftur til þess sem gerst hefur á árinu 2014.

https://www.youtu­be.com/watch?v=y6Sx­v-sU­YtM

Hlust­uðu á 800 þús­und ár af tón­list

Virkir not­endur Spotify eru orðnir um 50 millj­ónir og þeir hafa streymt um sjö millj­örðum klukku­stunda af tón­list það sem af er ári. Það þýðir að þeir hlust­uðu sam­tals á um 800 þús­und ár af tón­list á árinu, sem er reyndar enn ekki lok­ið.

Fimm vin­sæl­ustu karl­kyns-tón­list­ar­menn­irnir voru, í þess­ari röð, Ed Sheer­an, Eminem, Cal­vin Harris, Avicii og David Guetta. Hjá kon­unum var, líkt og áður seg­ir, Katy Perry í efsta sæti. Á eftir henni kom Ari­ana Grande, Lana Del Rey, Beyoncé og nýsjá­lenska ung­lingaun­d­rið Lor­de.

Topp fimm list­inn yfir vin­sæl­ustu hljóm­sveitir árs­ins á Spotify var eft­ir­far­andi: Cold­play, Imagine Dragons, Maroon 5, OneR­epu­blic og One Direct­ion.

Hér að neðan er hægt að sjá list­ann yfir tíu vin­sæl­ustu lögin á Spotify það sem af er árinu 2014.

1. „Happy" Pharell Willi­ams



2. „Rather Be" Clean Bandid (ft. Jess Glynne)



3. „Sum­mer"Cal­vin Harris



4. „Dark Hor­se" Katy Perry



5. „All Of Me" John Legend



6. „Tim­ber" Pit­bull



7. „Ru­de" Magic



8. „Wa­ves" Mr. Probz



9. „Problem" Ari­ana Grande



10. „Count­ing Stars" OneR­epu­blic