Emb­ætti sér­staks sak­sókn­ara mun leggja til við rík­is­sak­sókn­ara að máli emb­ætt­is­ins gegn Hann­esi Smára­syni verði áfrýjað til Hæsta­rétt­ar. Þetta fékk Kjarn­inn stað­fest hjá emb­ætt­inu í morg­un. Hannes var í morgun sýkn­aður í hér­aðs­dómi Reykja­víkur fyrir að hafa tæpa þrjá millj­arða króna af reikn­ingi FL Group á meðan að hann var stjórn­ar­for­maður félags­ins. Fénu á Hannes svo að hafa ráð­stafað til Fons eign­ar­halds­fé­lags, þá í eigu Pálma Har­alds­sonar og Jóhann­esar Krist­ins­son­ar, sem not­uðu það til að borga fyrir danska lággjald­ar­flug­fé­lagið Sterl­ing á árinu 2005.

Sak­sókn­ari máls­ins, Finnur Þór Vil­hjálms­son, fór fram á að Hannes yrði dæmdur í tveggja til þriggja ára fang­elsi fyrir fjár­drátt í Sterl­ing-­mál­inu. Verj­andi Hann­es­ar, Gísli Guðni Hall, byggði vörn hans á því að ekki hafi verið sýnt fram á að bind­andi fyr­ir­mæli hafi verið gefin um milli­færsl­una eða ekki. Hannes sagð­ist sjálfur vera sak­laus af ákærunni og að ekk­ert benti til þess að milli­færslan hefði yfir höfuð átt sér stað.

Kjarn­inn fjall­aði ítar­lega um málið í lok jan­úar síð­ast­lið­ins. 

Ósannað að Hannes hafi látið milli­færa

Í nið­ur­stöðu hér­aðs­dóms segir að ósannað sé að Hannes hafi látið milli­færa upp­hæð­ina, en hann neitar því að hafa gert það. Í dómnum seg­ir: "Sam­kvæmt því sem rakið hefur verið eru engin gögn frá W um milli­færsl­una á reikn­ing Z hinn 25. apríl 2005. Vitni sem störf­uðu við bank­ann á þeim tíma sem hér um ræðir gátu ekk­ert upp­lýst um þetta. Þá benda sum gögn frá bank­an­um, eins og svör bank­ans til end­ur­skoð­anda Y sem rakin voru að fram­an, til þess, að engin milli­færsla til Z hafi átt sér stað og féð á bak­a­reikn­ingi nr. [....] hafi allan tím­ann verið Y aðgengi­legt. Allt sætir þetta nokk­urri furðu og engar full­nægj­andi skýr­ingar hafa komið fram um þetta. Ákæru­valdið verður að bera hallan vegna algjörs skorts á gögnum frá W um milli­færsl­una til Z auk þess sem engin vitn­is­burður skýrir hana eins og rakið hefur ver­ið.

 Að öllu ofan­rit­uðu virtu og öðrum gögnum máls­ins er ósann­að, gegn ein­dreg­inni neitun ákærða, að hann hafi látið milli­færa 2.875.000.000 króna af banka­reikn­ingi Y yfir á banka­reikn­ing Z hinn 25. apríl 2005. Ber sam­kvæmt þessu að sýkna ákærða af fjár­drætt­i".