Face­book hefur birt upp­lýs­ingar um laun og bón­us­greiðslur eftir lyk­il­störfum í starf­semi fyr­ir­tæk­is­ins, fyrir utan helstu stjórn­end­ur, og raða for­rit­arar og verk­fræð­ingar sér í verð­mæt­ustu störf­in. Þó stjórn­endur fyr­ir­tæk­is­ins séu margir hverjir með svim­andi há laun, þá eru það oft starfs­menn­irnir á „plani“ sem mestu skipta í dag­legum rekstri og þró­un.

Hjá Face­book er mikið lagt upp úr teym­is­vinnu og eru hug­bún­að­ar­verk­fræð­ingar meðal ann­ars að störfum í teymum sem hafa mis­jafna ábyrgð og hlut­verk innan fyr­ir­tæk­is­ins, og skýrist launa­munur þeirra meðal ann­ars af því. (Í töfl­unni hér að neðan er ábyrgð­ar­munur skil­greindur með róm­verskum tölum frá I til III)

Auk hefð­bund­inna launa þá eru margir starfs­manna Face­book, einkum þeir sem lengstan starfs­aldur hafa, í eig­enda­hópi fyr­ir­tæk­is­ins.  Mark Zucker­berg, for­stjóri og stofn­andi Face­book, er með helstu þræði í hendi sér í þessu ört vax­andi fyr­ir­tæki, sem hefur verið að styrkja rekstr­ar­grund­völl sinn mikið að und­an­förnu, en það varð 10 ára í febr­úar í fyrra. Upp­gangur þess hefur verið með ólík­indum og eru fá fyr­ir­tæki í sögu tækni­iðn­aðar sem hafa breytt sam­fé­lag­inu með jafn áhrifa­miklum hætti og Face­book.

Virkir mán­að­ar­legir not­endur Face­book eru 1,23 millj­arðar manna um allan heim, þar af er ríf­lega millj­arður sem notar Face­book reglu­lega í gegnum snjall­síma. Meira en helm­ingur aug­lýs­inga­tekna Face­book kemur í gegnum aug­lýs­ingar fyrir snjall­síma.

Hér að neðan má sjá upp­lýs­ingar um árleg laun ólíkra starfs­manna hjá Face­book, sem ekki telj­ast til helstu stjórn­enda, en eru þó í lyk­il­störfum í fyr­ir­tæk­inu. Sam­kvæmt umfjöllun Quartz, er algengt að Face­book ráði til sín starfs­fólk sem hefur menntun frá Stan­ford Háskóla í Kali­forn­íu, líkt og Apple og Google gera einnig.

1. Rekstr­ar­legur stjórn­andi: $380,861 - 49,5 millj­ónir króna.

2. Hug­bún­að­ar­verk­fræð­ingur I: $259,349 - 33,7 millj­ónir króna.

1. Yfir­maður hug­bún­að­ar: $211,647 - 27,5 millj­ónir króna.

2. Hug­bún­að­ar­verk­fræð­ingur II: $209,988 - 27,3 millj­ónir króna.

3. Vöru­stjóri: $194,907 - 25,3 millj­ónir króna.

4. Gagna sér­fræð­ing­ur: $185,743 - 24,1 milljón króna.

5. Hug­bún­að­ar­verk­fræð­ingur III: $183,397 - 23,8 millj­ónir króna.

6. Tækni­sér­fræð­ing­ur: $175,589 - 22,8 millj­ónir króna.

7. Rann­sóknar sér­fræð­ing­ur: $172,705 - 22,4 millj­ónir króna

8. Hug­bún­að­ar­verk­fræð­ing­ur: $171,076 - 22,3 millj­ónir króna.