„Ég er sam­mála vara­for­manni Fram­sókn­ar­flokks­ins um að fjár­mála­ráð­herra þurfi að axla ábyrgð á þessu klúðri öllu. Hvernig datt honum í hug að það væri góð hug­mynd að gefa þessum valda hópi afslátt af eigum okk­ar? Er hann búinn að gleyma aðdrag­anda og eft­ir­málum hruns­ins? Eða var þetta kannski bara „svo­kallað hrun“ sem óþarfi er að draga ein­hvern lær­dóm af?“

Þetta skrifar Oddný Harð­ar­dóttir þing­maður Sam­fylk­ing­ar­innar á Face­book-­síðu sína í morg­un.

Fram kom í Morg­un­blað­inu í morgun að Lilja Alfreðs­dótt­ir menn­ing­ar- og við­skipta­ráð­herra segð­ist ekki hafa verið hlynnt þeirri aðferða­fræði sem var beitt við sölu á 22,5 pró­­sent hlut í Íslands­­­banka 22. mars síð­­ast­lið­inn. Hún telur brýnt að í ljósi þeirrar gagn­rýni sem sett hefur verið fram á banka­­söl­una þurfi Rík­­is­end­­ur­­skoðun að fara yfir fram­­kvæmd og aðferð­­ir. Einni kunni að vera rétt að fela fjár­­­­­mála­eft­ir­liti Seðla­­banka Íslands að fara yfir mál­ið.

Lilja segir að hún hafi viljað almennt útboð en ekki að bréf­in yrðu seld til val­ins hóps fjár­­­­­festa. Lilja, sem er einn þriggja ráð­herra rík­­is­­stjórnar sem situr í ráð­herra­­nefnd um efna­hags­­mál og end­­ur­­skipu­lagn­ingu fjár­­­mála­­kerf­is­ins, seg­ist hafa komið þeim sjón­­­ar­miðum sínum skýrt á fram­­færi í aðdrag­anda útboðs­ins. „Ég hef alltaf talið skyn­­­sam­­­legt að taka lít­il og hæg­fara skref. Hafa vaðið fyr­ir neðan sig. Ekki ein­blína á verð, held­ur gæði fram­­tíð­­ar­­eig­enda. Önnur leið var hins veg­ar val­in og því miður er fátt sem kem­ur á óvart í þessu máli og hver út­kom­an varð.“

Hún segir að ábyrgðin hljóti að vera stjórn­­­mála­­manna sem tóku ákvörðun í mál­inu.

Vega þarf og meta kosti sam­fé­lags­banka

Oddný segir jafn­framt í stöðu­upp­færslu sinni á Face­book að vinnu­brögðin kalli á afsögn Bjarna Bene­dikts­sonar fjár­mála- og efna­hags­ráð­herra.

„Hann selur pabba sínum á afslætti, stórum leik­endum í banka­hrun­inu, fjár­fest­inga­sjóði sem keypti og seldi strax aftur í fyrra útboði og menn sem voru að vinna við útboðið fengu að kaupa svo dæmi séu tekin úr þess­ari frá­leitu nið­ur­stöðu.

Sjálf­stæð­is­menn greiddu atkvæði gegn lögum um ferlið sem fara á eftir þegar hlutur í bönkum er seld­ur. Þar er ábyrgð fjár­mála­ráð­herr­ans algjör­lega skýr. Og jafn­vel þó að Sjálf­stæð­is­menn hafi ekki sam­þykkt sjálfir lögin verða þeir að fara eftir þeim!“ skrifar hún.

Þá greinir hún frá því að hún hafi verið á móti því að selja hlut­ina. „Í stefnu okkar í Sam­fylk­ing­unni segir að áður en ráð­ist sé í sölu á hlut rík­is­ins í bönk­unum þarf að svara þeirri spurn­ingu hvernig banka­kerfi tryggi góða og trausta þjón­ustu við fólk og fyr­ir­tæki. Þar þurfa leiða­stefin að vera fjöl­breytni, sam­keppni, öfl­ugt eft­ir­lit, neyt­enda­vernd og örugg ódýr inn­lend greiðslu­miðl­un.

Sam­hliða örri tækni­þróun og nauð­syn grænna fjár­fest­inga eru aug­ljósar áskor­anir til staðar í fjár­málaum­hverf­inu. Vega þarf og meta kosti sam­fé­lags­banka og mik­il­vægt er að breytt kerfi verði til þess að áhætta í fjár­fest­inga­banka­starf­semi verði áhyggju­efni eig­enda fjár­fest­ing­ar­banka en ekki rík­is­ins. Þar liggur mik­il­vægur lær­dómur banka­hruns­ins sem stjórn­ar­flokk­arnir hirða ekki um,“ skrifar hún.

Aðeins eru rúm 12 ár frá því að einka­reknir bankar hrundu á Íslandi með afar nei­kvæðum efna­hags­legum afleið­ing­um. Rann­sókn á þeirri einka­væð­ingu hefur ekki farið fram, þrátt fyrir sam­þykki Alþingis á slíkri rann­sókn.