Þegar ég flaug með hjálp­ar­gögn til Írak var það fyrsta borg­ara­lega flugið sem lenti í Bag­hdad eftir fyrra Írak­stríð­ið. Að baki var margra mán­aða vinna þar sem samið var um aðgang að loft­helgi sem hafði verið lokað um ára­bil. Til þurfti sam­þykki stjórn­valda í Írak og sér­stakt leyfi frá Örygg­is­ráði Sam­ein­uðu þjóð­anna.  Fæstir gera sér grein fyrir því hvað þarf að opna margar dyr og kippa í marga spotta til að brjót­ast í gegn með svona verk­efni.

Í loft­inu lágu áætl­anir Clinton stjórn­ar­innar að ráð­ast aftur á Írak.  Flug Frið­ar­2000 í þessum and­rúms­lofti vakti slíka heims­at­hygli að í fleiri daga var fjallað um það í nær öllum helstu frétta­miðlum heims.  Inní þetta flétt­uð­ust örlög lít­illar stúlku sem var við dauð­ans dyr vegna þess að ekki voru til lyf í land­inu vegna við­skipta­banns. Ég þurfti að berj­ast fyrir því að fá leyfi til að fljúga með hana til Amster­dam á sjúkra­hús bæði við stjórn­völd Saddam´s og yfir­menn S.Þ.  Þegar ég neit­aði að yfir­gefa landið án hennar vakti það heims­at­hygli á þján­ingum sak­lausra barna og afleið­ingum af stríðs­brjál­aðri utan­rík­is­stefnu vest­ur­landa.  

Í kjöl­farið risu upp mikil mót­mæli í fjöl­mörgum löndum gegn nýju stríði. Clinton fékk enga póli­tíska sam­stöðu ann­arra landa til að hefja árás­ir. Stríðs­planið fór út um þúf­ur.  Ég fékk síðar boð frá UNESCO að koma til Grikk­lands og taka þar við Heilögum gull­kross Grísku rét­trún­að­ar­kirkj­unn­ar. Mér var sagt að þetta væri vegna þess að frið­ar­flugið til Bag­hdad hefði hjálpað við að afstýra styrj­öld.

Ég skýri frá þessu hér til að fólk geti kannski aðeins áttað sig á því hve rödd friðar frá litlu landi getur verið áhrifa­mik­il. Ef for­seti Íslands væri þessi rödd væru áhrifin marg­föld þar sem hann hefur greiðan aðgang að öðrum þjóð­ar­leið­tog­um. Á meðan sumir for­seta­fram­bjóð­enda og ráða­menn þjóð­ar­innar horfa litlu málin er Ísland að fær­ast nær stríðs­á­tök­um. Stærsti atvinnu­vegur Íslend­ing­ar, ferða­manna­iðn­að­ur­inn gæti hrunið á einni nóttu í kjöl­far hryðju­verka á far­þega­flug.

 Ég skýri frá þessu hér til að fólk geti kannski aðeins áttað sig á því hve rödd friðar frá litlu landi getur verið áhrifa­mik­il. 

Evr­ópa er á barmi styrj­ald­ar. Millj­ónir flótta­manna. Árekstrar menn­ing­ar­heima. Upp­hafið rakið til hern­að­ar­brölts Banda­ríkj­anna. Íslenskir ráða­menn eru búnir að setja okkur á lista hinna vilj­ugu þjóða í átök við Rúss­land. NATO hern­að­ar­upp­bygg­ing er nú slík að Rússar hafa ekki séð neitt við­líka nálægt landa­mærum sínum síðan árið 1941 þegar Þýska­land gerði inn­rás í Sov­ét­rík­in.  

Ég vil afstýra því að Ísland verði skot­mark í stríði stór­veld­anna. Þjóðin getur treyst því að eng­inn verður stað­fast­ari en ég á Bessa­stöð­um. Ég mun standa dyggan vörð um full­veldi og sjálf­stæði Íslensku þjóð­ar­innar gegn hern­að­ar­legri og fjár­mála­legri íhlut­un.

Íslend­ingar hafa ein­stakt tæki­færi til að láta til sín taka í frið­ar­mál­um. Það var engin til­viljum að leið­toga­fund­ur­inn var hald­inn að Höfða fyrir þrjá­tíu árum. Sá fundur mark­aði lok kalda stríðs­ins. For­seti Íslands getur leitt saman deilu­að­ila og afstýrt átök­um.

 Evr­ópa er á barmi styrj­ald­ar. Millj­ónir flótta­manna. Árekstrar menn­ing­ar­heima. Upp­hafið rakið til hern­að­ar­brölts Banda­ríkj­anna. Íslenskir ráða­menn eru búnir að setja okkur á lista hinna vilj­ugu þjóða í átök við Rúss­land. 

Ísland á að ger­ast frið­ar­ríki. For­seti Íslands getur laðað hingað starf­semi tengda frið­ar­mál­um, lýð­ræð­is­þróun og nátt­úru­vernd. Talað fyrir því að stofn­anir á vegum Sam­ein­uðu þjóð­anna rísi á Íslandi. Þannig má byggja upp nýjan atvinnu­veg sem getur skilað fleiri hund­ruð millj­örðum í þjóð­ar­búið og veitt þús­undum manns blóm­leg störf í fram­tíð­inni.

Með slíkri tekju­aukn­ingu sem land frið­ar­ins getum við veitt ókeypis heil­brigð­is­þjón­ustu, bætt kjör eldri borg­ara og öryrkja og hjálpað ungu fólki að koma undir sig fót­un­um.