Er bak­tal um þig mein­laust á meðan þú veist ekki af því? Skaða sak­ar­giftir ekki mann­orð þitt nema þú heyrir af þeim? Hvað gerir það til þótt það sé útbreidd saga að það sem aflaga fór hafi verið þér að kenna, ef bara eng­inn ber það upp á þig í þinni áheyrn? Getur þú varist ávirð­ingum sem þú veist ekki um?

Bak­tal á sér margar birt­inga­mynd­ir: Hún er leið­in­leg, ekki leika við hana. Hún getur ekki gripið bolta, ekki velja hana í lið­ið. Mamma hennar er klikk­uð, ekki heim­sækja hana. Hún stal frá vini mín­um, passið ykkur á henni. Hún nennir engu og ég þurfti að vinna allt verk­ið. Hún er klögu­skjóða sem lýgur upp á mann áreiti. Það er ekki hægt að vinna með henni, ekki veita henni með­mæli fyrir nýjan vinnu­stað. Hún er ómögu­legur leið­togi, ég væri miklu betri for­mað­ur. Hún er kunta sem beitir sexí­inu til að koma sér áfram og svo færðu ekki að ríða henni. Hættum að hafa hana með í sam­tölum og ráðum þessu bara strák­arn­ir.

Er lít­ils­virð­andi umtal um þig bara mein­laust raus í litlum hópi, sem gerði engum mein fyrr en ein­hver hljóð­rit­aði það og fjöl­miðlar birtu það?

Það er ekki að ástæðu­lausu sem and­mæla­réttur fólks er settur í bæði lög og verk­lags­regl­ur. Hann er grund­vall­ar­regla í rétt­ar­kerf­inu og hann er kom­inn í reglur á vinnu­mark­aði, þótt meiri brota­löm sé þar á beit­ingu þeirra reglna. Á vinnu­mark­aði er t.d. verið reyna að koma með­ferð áminn­inga í form­legt ferli, ástæða þarf að vera til­greind og nægi­lega skýrt fram sett til að hægt sé að svara henni og til þess er veittur and­mæla­rétt­ur. Á sama tíma vantar algjör­lega uppá það á hvern hátt umsagnir frá fyrri vinnu­stað eru settar fram. Í umsókn­ar­ferli um nýtt starf er farið fram á að gefnir séu upp umsagn­ar­að­ilar frá fyrri vinnu­stað, oft kallað að fá með­mæli. Þá tíðkast víða að gefa ekki skrif­lega umsögn, enda getur þá þurft að svara fyrir það sem skrifað er. Þess í stað eru aðeins gefin munn­leg ummæli og jafn­vel kraf­ist trún­aðar um það sem í þeim er sagt, eða bara óform­legar fyr­ir­spurnir í kunnungjahópi. Umsagnir sem ekki er hægt að veita skrif­legar og standa við, eru kjafta­sög­ur.

Orð­spor þitt ræðst ekki af því sem þú gortar þig af og heldur ekki af því þegar þú vinnur verk þín hljóð. Orð­spor þitt er spor þeirra orða sem aðrir láta um þig falla.

Þess vegna skiptir máli hvað þú segir um annað fólk. Þau orð eru nefni­lega sögð til að hafa áhrif á afstöðu ann­arra til þess fólks sem þú ert að tala um.

Hvenær verður þjófur þjóf­ur? Er það þegar hann stel­ur, eða er það þegar kemst upp um hann?