Fanney Birna Jóns­dóttir verður nýr aðstoð­ar­rit­stjóri Frétta­blaðs­ins og Andri Ólafs­son, sem verið hefur frétta­stjóri á Frétta­blað­inu und­an­farin miss­eri, mun verða nýr rit­stjóri Íslands í dag. Andri tekur við þeirri stöðu af Sindra Sindra­syni, sem mun áfram starfa hjá 365 við frétta­lestur og dag­skrár­gerð. Þá taka Ólöf Skafta­dóttir og Vikt­oría Her­manns­dóttir við sem rit­stjórar helg­ar­blaðs Frétta­blaðs­ins af Erlu Björg Gunn­ars­dóttir sem mun sinna almennum frétta­skrif­um. Kristín Þor­steins­dóttir verður áfram rit­stjóri Frétta­blaðs­ins. Frá þessum skipu­lags­breyt­ingum innan 365 miðla, stærsta einka­rekna fjöl­miðla­fyr­ir­tækis lands­ins, er greint á Eyj­unni.

Andri Ólafs­son.

Kjarn­inn greindi nýverið frá því að Ísland í dag yrði stokkað upp í annað sinn á skömmum tíma.  Í byrjun apríl síð­ast­lið­ins var til­kynnt um miklar breyt­ingar á þætt­in­um. Í þeim fólst meðal ann­ars að þætt­irnir yrðu að að jafn­aði lengri en áður, eða um 40 mín­útur að lengd, og þeir gerðir í meiri sam­vinnu við frétta­stofu 365. Auk þess yrðu sér­stakir þættir um stjórn­mál, efna­hags­mál og við­skipta­líf undir hatti Íslands í dag. Þannig átti þátt­ur­inn alltaf að fjalla um mál­efni líð­andi stundar og tengj­ast betur þjóð­mála­um­ræð­unni en hann hafði gert und­an­farin ár.

Áhorf á hið nýja Ísland í dag hefur ekki staðið undir vænt­ing­um. Í lok febr­úar var með­al­á­horf á þátt­inn yfir 16 pró­sent og viku áður en breyt­ingar á honum voru inn­leiddar horfðu 14,1 pró­sent á hann. Sam­kvæmt mæl­ingum Gallup horfðu tólf pró­sent á Ísland í dag fyrstu vik­una eftir breyt­ingar og 8,8 pró­sent vik­una eftir það. Í síð­ustu viku júní­mán­aðar var áhorfið sjö pró­sent.  Á meðal þeirra sem hverfa á braut er Heiða Kristín Helga­dótt­ir, sem stýrði þjóð­mála­þætt­inum Umræð­unni, en samn­ingur hennar við 365 miðla rann út í lok júní.

Miklar breyt­ingar hjá Frétta­blað­inu á skömmum tíma

Miklar breyt­ingar hafa verið hjá Frétta­blað­inu, mest lesna dag­blaði lands­ins, und­an­farin miss­eri. Snemma árs 2013 var Mik­ael Torfa­son ráð­inn rit­stjóri blaðs­ins við hlið Ólafs Steph­en­sen og næstu miss­erin hættu fjöl­margir á rit­stjórn blaðs­ins. Meðal þeirra var Stein­unn Stef­áns­dótt­ir, aðstoð­ar­rit­stjóri blaðs­ins. Þá var nokkrum fjölda sagt upp.

Ólafur Steph­en­sen, fyrrum rit­stjóri Frétta­blaðs­ins.

Í ágúst 2014 var Mik­ael síðan sagt upp störfum og Ólafur Steph­en­sen hætti skömmu síð­ar. Ólafur rit­aði áður leið­ara þar sem hann útsk­yrði af hverju honum var ekki stætt í starfi. Við starfi rit­stjóra tóku Kristín og Sig­ur­jón M. Egils­son. Hann hætti síðan í mars 2015.

Sam­hliða því að Sig­ur­jón hætti var gerð sú skipu­lags­breyt­ing að Andri Ólafs­son, Hrund Þórs­dóttir og Kol­beinn Tumi Daða­son urðu aðstoð­ar­rit­stjórar frétta­stofu 365 miðla. Nú hefur skipu­lag­inu verið breytt enn einu sinni.

Í gær greindi Kjarn­inn frá því að Kol­beinn Ótt­ars­son Proppé, blaða­maður og leið­ara­höf­undur á Frétta­blað­inu, hafi sagt upp störfum og muni hætta um næstu mán­að­ar­mót. Kol­beinn hefur leitt umfjöllun Frétta­blaðs­ins um stjórn­mál um ára­bil, með hlé­um. Hann starf­aði hjá blað­inu frá 2008 til 2013 og réð sig þangað aftur í upp­hafi árs 2015. Kol­beinn var einnig hluti þess teymis sem fór yfir stjórn­mála­á­standið í sjón­varps­þætt­inum Umræðan á Stöð 2, sem Heiða Kristín Helga­dóttir stýrði, en hefur nú verið tek­inn af dag­skrá.