Guð­laug Krist­jáns­dótt­ir, for­maður bæj­ar­stjórnar í Hafn­ar­firði og bæj­ar­full­trúi Bjartrar fram­tíð­ar, hefur til­kynnt flokknum að hún sæk­ist eftir emb­ætti for­manns hans á árs­fundi sem hald­inn verður 5. sept­em­ber næst­kom­andi. Fjögur fram­boð hafa borist til emb­ættis stjórn­ar­for­manns Bjartrar fram­tíð­ar. Þau eru frá Guð­laugu, sem sæk­ist þá eftir öðru hvoru emb­ætt­inu, Kar­ólínu Helgu Sím­on­ar­dótt­ur, Matth­í­asi Frey Matth­í­assyni og Preben Pét­urs­syni. Þetta kemur fram í frétt á heima­síðu Bjartrar fram­tíðar sem birt var í dag.

Athygli vekur að Mar­grét Mart­eins­dótt­ir, sem var kjörin stjórn­ar­for­maður Bjartrar fram­tíðar í jan­úar síð­ast­liðn­um, hefur ekki til­kynnt að hún sæk­ist áfram eftir að gegna því starfi.

All­ir ­skráð­ir ­fé­lagar í Bjartri fram­tíð geta boðið sig fram í emb­ætt­in.

Mikil ólga síð­ustu vikur

Nokkur óánægja hefur verið með gang mála innan Bjartrar fram­tíðar und­an­farin miss­eri, og gagn­rýndi Heiða Kristín Helga­dótt­ir, annar stofn­andi flokks­ins og fyrrum stjórn­ar­for­maður hans, Guð­mund Stein­gríms­son, for­mann flokks­ins, vegna slæmrar stöðu flokks­ins í við­tali við Kjarn­ann í byrjun ágúst, en flokk­ur­inn mælist nú með aðeins 4,4 pró­sent fylgi.

Miðað við það fylgi myndi Björt fram­tíð ekki ná inn manni í kom­andi kosn­ing­um. ­Flokk­ur­inn mæld­ist með um 20 pró­sent fylgi í könn­unum  í fyrra­haust.

Í kjöl­far gagn­rýni Heiðu Krist­ínar hefur orðið mikið rót innan Bjartrar fram­tíð­ar. Guð­mundur hefur til­kynnt að hann muni hætta sem for­maður og Róbert Mars­hall, þing­flokks­for­maður Bjartrar fram­tíð­ar, hefur sömu­leiðis sagt að hann muni láta af emb­ætti. Guð­mundur ætlar að leggja fram til­lögu á árs­fund­inum um að ábyrgð­ar­stöður innan flokks­ins muni róter­ast.

Fjöl­margir hafa verið orð­aðir við for­manns­fram­boð. Einn þeirra er Heiða Krist­ín, en hún til­kynnti í gær að hún myndi ekki bjóða sig fram. Þess í stað hvatti hún Bryn­hildi Pét­urs­dótt­ur, þing­mann flokks­ins, til fram­boðs. Bryn­hildur hefur ekki sagt af eða á um hvort hún muni láta slag standa. Sömu sögu er að segja af Óttarri Proppé, þing­manni Bjartrar fram­tíð­ar.

Árs­fundur Bjartar fram­tíðar fer fram laug­ar­dag­inn 5. sept­em­ber í Reykja­nes­bæ, nánar til­tekið í Officera klúbbnum á Ásbrú. Sam­kvæmt dag­skrá stendur kosn­ing for­manns og stjórn­ar­for­manns yfir frá klukkan 14 til 16:45.