Rík­is­stjórn Íslands sam­þykkti á fundi sínum í morgun að grípa til frek­ari efna­hags­að­gerða vegna kór­ónu­veiru­far­ald­urs­ins. tekju­falls­styrkir verða útvíkk­aðir og greiddir verða svo­kall­aðir við­spyrnu­styrkir sem eiga að styðja við rekstur fyr­ir­tækja á kom­andi mán­uð­um. Þá var rætt um að að halda hluta­bóta­leið­inni, sem rennur að óbreyttu sitt skeið um kom­andi ára­mót, áfram í virkn­i. 

Í nýjasta pakk­an­um, sem ræddur var sam­hliða hertum tak­mörk­unum vegna útbreiðslu far­ald­urs­ins, er lagt til að tekju­falls­styrkir, sem rík­is­stjórnin sam­þykkti fyrr í þessum mán­uði að leggja fram á Alþingi, verði útvíkk­aðir áður en að frum­varp um þá verður afgreitt. Þeim er meðal ann­­ars ætlað að styðja minni rekstr­­ar­að­ila sem starfa í menn­ing­­ar- og list­­grein­um, ferða­­leið­­sög­u­­menn og aðra minni aðila í rekstri sem hafa orðið fyrir veru­legu tekju­falli frá byrjun apríl og fram til dags­ins í dag. 

Sú breyt­ing verður gerð á úrræð­inu að fallið er frá skil­yrðum um hámarks­fjölda starfs­manna, hann var þrír sam­kvæmt frum­varp­inu. Í stað­inn er lagt til að styrkir verði veittir fyrir allt að fimm stöðu­gildi. Ef tekju­fall við­kom­andi er á bil­inu 40 til 70 pró­sent er hægt að fá styrk upp á 400 þús­und krónur á mán­uði fyrir hvert stöðu­gildi og ef það er 70 til 100 pró­sent er hægt að fá 500 þús­und króna styrk á stöðu­gildi á mán­uði á meðan að úrræðið er í gildi. Í frum­varp­inu var gert ráð fyrir að allir sem hefðu orðið fyrir 50 pró­sent eða meira tekju­falli gætu fengið allt að 400 þús­und krónur í styrk á hvert stöðu­gildi.

Þá er tíma­bilið sem úrræðið gildir fyrir lengt úr sex mán­uðum í sjö, frá 1. apríl og út októ­ber. Hámarks­styrkur sam­kvæmt þessu verður 17,5 millj­ónir króna á hvern rekstr­ar­að­ila.

Þá mun Bjarni Bene­dikts­son, fjár­mála- og efna­hags­ráð­herra, leggja fram frum­varp sem nú er í und­ir­bún­ingi um nýtt úrræði, við­spyrnu­styrki, sem gert er ráð fyrir að verði veittir í fram­haldi af tekju­fall­styrkjum og fram á næsta ár. 

Í til­kynn­ingu á vef stjórn­ar­ráðs­ins segir að úrræð­inu sé ætlað tryggja að fyr­ir­tæki sem orðið hafa fyrir tekju­falli vegna kór­óna­veiru­far­ald­urs­ins geti við­haldið nauð­syn­legri lág­marks­starf­semi á meðan áhrifa far­ald­urs­ins gæt­ir, varð­veitt við­skipta­sam­bönd og tryggt við­búnað þegar úr ræt­ist. „Um við­spyrnu­styrki munu gilda sam­bæri­leg skil­yrði og eiga við um tekju­falls­styrki og verða þeir veittir með reglu­legum greiðslum yfir a.m.k. sex mán­aða tíma­bil eða allt fram á mitt næsta ár.“

Þá ræddi rík­is­stjórnin í morgun um mögu­lega fram­leng­ingu hluta­bóta­leið­ar­innar sem rennur út nú um ára­mót. Þegar er til með­ferðar á Alþingi frum­varp um fram­hald á svoköll­uðum lok­un­ar­styrkj­um. Þeir yrðu greiddir til fyr­ir­tækja sem eru skylduð til þess að loka dyrum sínum núna í þriðju bylgju far­ald­­ur­s­ins vegna sótt­varna­reglna. Slík fyr­ir­tæki munu geta sótt um 600 þús­und krónur í lok­un­­ar­­styrk með hverjum starfs­­manni á mán­að­­ar­grund­velli. Alls geta styrkirnir numið 120 millj­­ónum króna að hámarki á hvert fyr­ir­tæki. Það þýðir að stór fyr­ir­tæki á borð við lík­­ams­­rækt­­­ar­keðjur sem hafa þurft að loka dyrum sínum vegna sótt­­varn­­ar­ráð­staf­ana geta fengið mikið tjón bætt.