Kór­óna­vírus­inn í Kína hefur kallað fram umfangs­mestu opin­beru aðgerðir í ára­tugi, þegar kemur að ferða­banni fólks. Tug­millj­óna borgum hefur verið lok­að, útgöngu­banni komið á og flug­sam­göngur – til og frá Kína og fleiri svæða – felldar nið­ur. Umfangið er gríð­ar­legt.

Upp­lýs­ing­arnar frá Kína hafa ekki svarað öllum mik­il­vægum spurn­ing­um, en það eitt er vitað að vírus­inn hefur breiðst hratt út, og yfir­völd í Kína reyna nú allt til að ná að hefta útbreiðsl­una – og hafa kallað eftir víð­tæku sam­starfi við þjóðir heims­ins. 

Þjóðir eins og Banda­rík­in, Frakk­land og fleiri, hafa beint því til borg­ara sinna að koma sér frá Kína og öðrum svæð­um, þar sem útbreiðslan hefur verið hröð­ust. Víð­tækt sam­starf ríkja hefur verið virkj­að.

Í máli Jer­ome Powell, seðla­banka­stjóra Banda­ríkj­anna, á fundi bank­ans í gær, var miklu púðri eytt í vírusinn, og hann sagður vera ein mesta óvissan þegar kæmi að horfum efna­hags­mála í heim­inum þessi miss­er­in. Seðla­bank­inn fylgist grannt með, enda verk­efni hans marg­slung­ið, með yfir 60 pró­sent af gjald­eyr­is­forða heims­ins í Banda­ríkja­dal.

Í For­eign Policy hefur komið fram, að mörgum spurn­ingum sé ósvar­að, en meðal þess sem almenn­ingur víða um heim hefur séð, í gegnum frétta­mynd­ir, er skelfi­legur aðbún­aður á mörgum mat­ar­mörk­uðum í Asíu. 

Hrein­læti, öryggi og ábyrgð í fram­leiðslu, er ekki það sem kemur upp í hug­ann, þegar þessar myndir koma fyrir aug­un.

Fyrir lítið eyríki eins og Ísland - sem á allt sitt undir góðu aðgengi að mark­aðs­svæðum heims­ins, og ekki síst stöð­ugum og góðum flug­sam­göngum – þá er hætta á ferð­u­m. 

Til skamms tíma geta áhrifin verið þó nokkur á við­skipti almennt, en til lengdar ætti Ísland og íslensk fyr­ir­tæki, að hafa tæki­færi og mikið fram að færa.

Lík­legt verður að teljast, að enn meiri kröfur verði gerðar til mat­væla­fram­leiðslu, vegna Kór­óna­víruss­ins, og þeirra gríð­ar­legu áhrifa sem hann hefur nú þegar haft, og mun hafa áfram.

Ísland hefur mun meira fram að færa, þegar að þessum kem­ur, en margar aðrar þjóð­ir, og það getur einnig unnið með okkur að vera eyríki - að vissu leyti ein­angrað frá umheim­in­um. 

Auð­velt er að draga fram hvernig fram­leiðsla hefur farið fram og heil­brigð­is- og örygg­is­kröfur á Íslandi eru mun meiri en gengur og ger­ist á mörgum öðrum mark­aðs­svæð­um, meðal ann­ars í Asíu og mun víð­ar.

Von­andi tekst alþjóða­sam­fé­lag­inu að bregð­ast við af nægi­lega miklum krafti, til að hefta útbreiðslu veik­inda, sem hafa nú þegar leitt til margra dauðs­falla. Eitt af því sem Ísland getur lagt til, er þekk­ing á upp­bygg­ingu inn­viða við mat­væla­fram­leiðslu sem tryggja betur heil­brigði og öryggi. Mikil þörf er á alheims­átaki á þessu sviði, eins og skelfi­leg birt­ing­ar­mynd þessi miss­erin sýn­ir.