Kæri Ármann.

Eftir við Karen birtum bréf okkar til þín þann 11. nóv­em­ber 2019, sendi ég (Kevin) sam­rit þess til Sharon Thorne, sem er æðsti stjórn­andi Deloitte á heims­vísu með fyr­ir­spurn um hvort Deloitte væri brot­legt gegn siða­reglum sínum með því að umbera ófull­nægj­andi áreið­an­leika­könnun (sem úrskurð­aði að þú værir hæfur til að starfa sem for­stjóri Kviku).

25. nóv­em­ber 2019 svar­aði Sharon Thorne og stað­festi að hún tæki þetta mál alvar­lega og að Deloitte myndi rann­saka ásak­anir mín­ar.

Þetta mál hefði frekar átt að taka fyrir á Íslandi en í Bret­landi af hálfu æðstu stjórnar Deloitte. En þrátt fyrir að yfir­þyrm­andi sann­anir lægju fyrir þá voru engin við­brögð af hálfu stjórnar Kviku, Deloitte ehf. eða yfir­valda.

Sér­staka rann­sókn­ar­nefndin komst að þeirri nið­ur­stöðu að van­efndir yfir­valda og end­ur­skoð­enda hefðu auð­veldað fjár­svikin hjá öllum íslensku bönk­unum sem leiddu til þriðja stærsta gjald­þrots sög­unn­ar. Lítið virð­ist hafa breyst því FATF bætti Íslandi við á „gráa lista“ sinn (ásamt Mongólíu og Simbabve) þann 26. októ­ber 2019 sem stað­festi að íslensk yfir­völd starfa enn ekki sam­kvæmt þeim við­miðum sem vænst er í hinum vest­ræna heimi.

20. jan­úar 2020, til að reyna að spara tíma og úrræði, hvatti ég þig til að gang­ast undir trú­verð­ug­leika­mat hjá Capi­tal Centre for Credita­bility Assess­ment þar sem augn­greinir er not­aður ásamt lyga­mæli og þetta nota stjórn­völd í Bret­landi og Banda­ríkj­un­um.

Teng­ill­inn hér á eftir skýrir að þegar augn­grein­ing og lyga­mæl­ing eru notuð sam­tím­is, fer villu­hlut­fallið niður í 3%.

Ég bauðst til að greiða kostn­að­inn við matið og þótt ég skilji að sumir kunni að álíta aðferð mína óhefð­bundna, þá bauðst þér með henni tæki­færi til að sanna heil­indi þín og fá nið­ur­stöðu í málið sem þjón­aði hags­munum Kviku. Þó hafði ég litlar vænt­ingar til við­bragða þinna því ég tel að þú hafir álíka mikla mögu­leika til að stand­ast slíkt próf og Andrew prins varð­andi ásak­anir á hendur hon­um.

Ég hélt áfram að veita Deloitte frek­ari gögn til að sanna að þátt­taka þín skipti miklu máli fyrir fjár­svikin hjá Kaup­þingi og 25. mars 2020 tjáði Deloitte mér að athugun þeirra myndi tefj­ast vegna kór­ón­u-far­ald­urs­ins.

30. apríl 2020 til­kynnti Kvika að dótt­ur­fé­lag þess í Bret­landi myndi færa út starf­semi sína.

30. apr­íl  birti stjórn SQN í SQN Asset Fin­ance Income Fund Limited óskuld­bind­andi vilja­yf­ir­lýs­ingu um að skipa KKV Invest­ment Mana­gement Ltd sem stjórn­anda eigna­safns félags­ins.

KKV Invest­ment Mana­gement Ltd. er nýstofnað fjár­fest­inga­fé­lag í eigu Kvika Bank hf.

Ég vildi ekki vera óþarf­lega skað­legur og 11. maí bauð ég þér og stjórn Kviku að svara ásök­unum mínum með þeim hætti að ég hefði ekki þurft að til­kynna þær til stjórnar SQN Asset Fin­ance Income Fund Limited.

Þar sem ég fékk ekk­ert svar, hef ég haft sam­band við stjórn SQN Asset Fin­ance Income Fund Limited.

Ef yfir­völd umbera hátt­semi þína með því að leyfa þér að starfa áfram innan banka­geirans, mun aug­ljós skortur á afleið­ingum hvetja til frek­ari fjársvika sem er áhyggju­efni þar sem stjórn­völd hafa í hyggju að færa Íslands­banka og Lands­bank­ann yfir í einka­geir­ann. Því leggjum við til að þú gang­ist undir trú­verð­ug­leika­próf ellegar segir upp störfum hjá Kviku, hafir þú ein­hverja sjálfs­virð­ingu.

Virð­ing­ar­fyllst,

Kevin Stan­ford og Karen Mil­len. 

Hér er útgáfa af bréf­inu á ensku.