Kjara­ráð hefur í fyrsta skipti síðan ríkið eign­að­ist Íslands­banka úrskurðað um laun banka­stjóra bank­ans, Birnu Ein­ars­dótt­ur, og lækka þau um 40 pró­sent en sam­kvæmt árs­reikn­ingi Íslands­banka voru þau um 3,6 millj­ón­ir.



Sam­kvæmt úrskurði ráðs­ins, verða laun hennar rúmar tvær millj­ónir með yfir­vinnu og álagi sem fylgir starf­inu, en í ákvörð­un­ar­orðum sínum er vitnað til inn­byrðis sam­ræmis sem þurfi að vera fyrir hendi þegar laun sem kjara­ráð ákvarðar eru ann­ars vegar og vitnað meðal ann­ars til launa banka­stjóra Lands­banka Íslands í því sam­heng­i. 

Mögu­lega munu laun Birnu taka aftur breyt­ingum þann 1. júlí næst­kom­andi. Þá taka gildi ný lög um kjara­ráð. Sam­kvæmt þeim flyst ákvörð­un­ar­vald um laun banka­stjór­ans aftur frá kjara­ráði til stjórnar bank­ans.

Í úrskurði Kjara­ráðs kemur fram, að Birna hafi sent bréf  9. sept­em­ber 2016 í fyrra, þar sem hún fjall­aði um störf sín fyrir Íslands­banka. „Í bréf­in­u kemur fram að Íslands­banki og banka­stjór­inn hafi hlotið fjöl­mörg verð­laun á síð­ustu árum ­fyrir fram­úr­skar­andi stjórn­un, rekst­ur, þjón­ustu og mannauðs­mál. Í fjögur ár í röð hafi Ís­lands­banki verið val­inn besti bank­inn á Íslandi af alþjóð­lega fjár­mála­tíma­rit­inu Euromo­n­ey. Í nið­ur­stöðu dóm­nefndar hafi verið horft til góðs árang­urs í rekstri bank­ans og stefnu hans al­mennt. Þá hafi einnig verið litið til fram­tíð­ar­sýnar Íslands­banka um að veita best­u ­banka­þjón­ustu á Íslandi og árang­urs bank­ans í nýsköpun með það að mark­miði að ein­falda ­banka­við­skipti. Ánægja við­skipta­vina Íslands­banka hafi mælst mikil og hafi bank­inn hlot­ið hæstu ein­kunn banka í Íslensku ánægju­vog­inni und­an­farin þrjú ár. Þá hafi Íslands­banki hlot­ið Hvatn­ing­ar­verð­laun jafnréttis­mála í ár. Nið­ur­staða dóm­nefndar hafi verið ein­róma og þyk­i ­bank­inn upp­fylla þætti bæði í innra og ytra umhverfi fyr­ir­tæk­is­ins sem stuðli að aukn­u ­jafn­rétti. Verð­launin séu veitt því fyr­ir­tæki sem hafi stuðlað að auknum mögu­leikum beggja kynja til starfs­frama, jöfnum launum kynj­anna í stjórn­enda­stöðum og auk­inni vit­und um þann á­vinn­ing sem jafn­rétti hafi fyrir fyr­ir­tækið og sam­fé­lag­ið,“ segir í úrskurð­in­um. 



Þá er einnig vitnað til bréfs stjórnar Íslands­banka, þar sem Birna er sögð hafa skilað fram­úr­skar­andi störfum fyrir bank­ann, og að hann hafi mik­inn hag að því að geta boðið sam­keppn­is­hæf laun sem séu í takt við mark­að­inn hverju sinn­i. 

Gagn­kvæm­ur ­upp­sagn­ar­frestur á samn­ingi Birnu er tólf mán­uðir og láti banka­stjóri af störfum að eigin ósk eru settar hömlur á atvinnu­starf­semi hans næstu sex mán­uði, að því er fram kemur í bréfi stjórn­ar­inn­ar.



Kjar­arað rök­styður ákvörðun sína, með eft­ir­far­andi hætti:

„Í 8. gr. laga um kjara­ráð segir að það skuli við úrlausn mála gæta inn­byrðis sam­ræmis í starfs­kjörum þeim sem það ákveð­ur, og að þau séu á hverjum tíma í sam­ræmi við laun í þjóð­fé­lag­inu hjá þeim sem sam­bæri­legir geta talist með til­liti til starfa og ábyrgð­ar. Við á­kvörðun sína skal kjara­ráð gæta þess að föst laun fyrir dag­vinnu, ann­arra en for­seta Íslands­, verði ekki hærri en föst laun for­sæt­is­ráð­herra sam­kvæmt 3. gr. Við ákvörðun launa­kjara ­sam­kvæmt 4. gr. lag­anna skuli sér­stak­lega gæta sam­ræmis milli þeirra og þeirra kjara hjá ­rík­inu sem greidd eru á grund­velli kjara­samn­inga ann­ars vegar og ákvarð­ana kjara­ráðs ­sam­kvæmt 3. gr. hins veg­ar. Þá skuli kjara­ráð ætíð taka til­lit til almennrar þró­unar kjara­mála á vinnu­mark­að­i. 

Í 10. gr. lag­anna segir að ráðið skuli taka mál til með­ferðar þegar því þyk­i þurfa og ætíð ef orðið hafa veru­legar breyt­ingar á þeim launum í þjóð­fé­lag­inu sem höfð skulu til við­mið­unar sam­kvæmt lög­unum eða á störfum þeirra sem úrskurð­ar­vald ráðs­ins tekur til­. Kjara­ráð hefur ekki áður ákveðið banka­stjóra Íslands­banka hf. laun. Með vísan til þess inn­byrðis sam­ræmis sem kjara­ráði ber að hafa að leið­ar­ljósi og áður er gerð grein fyrir er við á­kvörðun launa­kjara banka­stjóra Íslands­banka hf. horft til launa­kjara for­stöðu­manna ann­arra fjár­mála- og lána­stofn­ana sem undir kjara­ráð heyra, svo sem banka­stjóra Lands­bank­ans hf. ­Með hlið­sjón af fram­an­sögðu hefur kjara­ráð ákveðið að laun banka­stjóra Íslands­banka hf. skuli vera sem segir í ákvörð­un­ar­orð­i. 

Ákvörð­un­ar­orð 

Mán­að­ar­laun banka­stjóra Íslands­banka hf. skulu vera sam­kvæmt launa­flokki 502-141, nú 1.131.816 krón­ur. Að auki skal greiða honum 100 ein­ingar á mán­uði fyrir alla yfir­vinnu og á­lag er starf­inu fylg­ir. Kjara­ráð 2017.4.003 5 Ein­ing er 1% af launa­flokki 502-136, nú 9.572 krón­ur.

Ein­ingar greið­ast alla mán­uð­i árs­ins, einnig í sum­ar­leyfi. Af því leiðir að ekki er greitt orlofsfé á ein­ing­ar. ­Laun eru miðuð við fullt starf þannig að ekki komi til frek­ari greiðslna nema kjara­ráð úr­skurði um það sér­stak­lega. Um almenn starfs­kjör banka­stjóra Íslands­banka hf. gilda reglur kjara­ráðs um starfs­kjör fram­kvæmda­stjóra félaga sem eru að meiri­hluta í eigu rík­is­sjóðs og dótt­ur­fé­laga þeirra frá 17. nóv­em­ber 2015.“

Und­ir­rita þau Óskar Bergs­son, Hulda Árna­dóttir og Svan­hildur Kaaber, frá Kjara­ráði.