Meiri­hluti Alþingis sam­þykkti til­lögu Sig­ríðar And­er­sen dóms­mála­ráð­herra um skipan 15 dóm­ara við Lands­rétt. Stjórn­ar­and­staðan var öll á móti til­lögu ráð­herra. Þing­menn meiri­hlut­ans, 31, kusu með til­lög­unni en 22 þing­menn stjórn­ar­and­stöðu voru á móti, átta greiddu ekki atkvæði, og tveir voru fjar­ver­andi.

Fyrst var frá­vís­un­ar­til­laga felld, 31 - 30, sem gerði ráð fyrir meiri máls­með­ferð­ar­tíma til­lögu ráð­herra, en svo var til­laga ráð­herra sam­þykkt, 31 - 22. 

Þing­menn stjórn­ar­and­stöð­unnar sögðu til­lögu Sig­ríðar vera alveg órök­studda, en sem kunn­ugt er voru gerðar fjórar breyt­ingar á lista hæf­is­nefndar um mat á umsækj­end­um. Stjórn­ar­and­staðan sagði breyt­ing­ar­til­lögu Sig­ríðar órök­studda og að það þyrfti lengri tíma til að fara yfir mál­ið. 

Birgitta Jóns­dótt­ir, frá Píröt­um, sagði í aðdrag­anda atkvæða­greiðsl­unnar að valið með henni væri skýrt. „Nú kjósum við um gamla Ísland, eða nýja Ísland,“ sagði Birgitta, og horfði til þing­manna í saln­um. Margir þing­manna Pírata stigu í ræðu­stól, og sögðu með þess­ari máls­með­ferð þá væri verið að skapa vantaust á dóms­kerf­in­u. 

Eins og greint var frá á vef Kjarn­ans, þá mat hæf­is­­­nefnd um mat á umsækj­endum í stöðu dóm­­­ara við Lands­rétt Davíð Þór Björg­vins­­­son, Sig­­­urð Tómas Magn­ús­­­son og Ragn­heiði Harð­­­ar­dóttur hæfust.

Sam­­­­kvæmt lista hæf­is­­­­nefnd­­­­ar­innar var Ást­ráður Har­alds­­­­son hrl., sem hefur talið til­­­lögu dóms­­­mála­ráð­herra lög­­­brot - líkt og Lög­­­­­manna­­­fé­lag Íslands - númer 14 á list­an­­­­um. Einn þeirra sem Sig­ríður Á. And­er­­­­sen, dóms­­­­mála­ráð­herra, gerir til­­­­lögu um að verði á meðal 15 dóm­­­­ara við Lands­rétt er Jón Finn­­­­björns­­­­son en hann er númer 30 á lista hæf­is­­­­nefnd­­­­ar­inn­­­­ar. Þá er Eiríkur Jóns­­­­son númer 7 á lista hæf­is­­­­nefnd­­­­ar­inn­­­­ar, en hann er ekki á meðal þeirra 15 sem ráð­herra gerir til­­­­lögu um í stöðu dóm­­­­ara.

Ást­ráður Har­alds­­­­son og Eiríkur Jóns­­­­son, ásamt Jóhann­esi Rún­­­­­­­ari Jóhanns­­­­syni og Jóni Hösk­­­­ulds­­­­syni hlutu ekki náð fyrir augum ráð­herr­ans heldur þau Arn­­­­fríður Ein­­­­ar­s­dótt­ir, Ragn­heiður Braga­dótt­ir, Ásmundur Helga­­­­son og Jón Finn­­­­björns­­­­son.

Þau 15 sem ráð­herra gerir til­­­­lögu um í stöðu dóm­­­­ara við Lands­rétt eru Aðal­­­­­­­steinn E. Jón­a­s­­­­son, Arn­fríður Ein­­­­ar­s­dótt­ir, Ás­­­­mundur Helga­­­­son, Dav­­­­íð Þór Björg­vins­­­­son, Her­vör Þor­­­­valds­dótt­ir, Ing­veldur Ein­­­­ar­s­dótt­ir, Jóhannes Sig­­­­urðs­­­­son, Jón Finn­­­­björns­­­­son, Krist­­­­björg Steph­­­­en­­­­sen, Oddný Mjöll Arn­­­­ar­dótt­ir, Ragn­heiður Braga­dótt­ir, Ragn­heiður Harð­­­­ar­dótt­ir, Sig­­­­urður Tómas Magn­ús­­­­son, Vil­hjálmur H. Vil­hjálms­­­­son og Þor­­­­geir Ingi Njáls­­­­son.

Svan­dís Svav­ars­dótt­ir, VG, og Brynjar Níels­son, Sjálf­stæð­is­flokki, voru ekki við­stödd atkvæða­greiðsl­una, vegna tengsla við umsækj­endur um starf dóm­ara við Lands­rétt.