Davíð Þór, Sigurður Tómas og Ragnheiður efst á lista

Samkvæmt mati hæfisnefndar um mat á umsækjendum um starf dómara við Landsrétt var einn þeirra sem ráðherra gerir tillögu um í starfið númer 30 hjá nefndinni.

7DM_0415_raw_2103.JPG
Auglýsing

Davíð Þór Björg­vins­son, Sig­urður Tómas Magn­ús­son og Ragn­heiður Harð­ar­dótt­ir, voru þrjú hæfust að mati hæf­is­nefndar um mat á umsækj­endum um starf dóm­ara við Lands­rétt. Davíð Þór var með ein­kunn­ina 7,35, Sig­urður Tómas 6,775 og Ragn­heiður 6,65, sam­kvæmt gögnum sem Kjarn­inn hefur undir höndum og birt erum með frétt­inn­i. 

Fundi stjórn­skip­un­ar-og eft­ir­lits­nefndar Alþingis þar sem fjallað var um skipan dóm­ara við Lands­rétt lauk í kvöld án nið­ur­stöðu, en einn þeirra sem met­inn var meðal 15 hæfustu, Ást­ráður Har­alds­son hrl., sagði til­lögu ráð­herra um skipan dóm­ara, þar sem fjórar breyt­ingar voru gerðar á mati hæf­is­nefnd­ar, ekki vera í sam­ræmi við lög. Undir þetta tók Reimar Pét­urs­son, for­maður Lög­manna­fé­lags Íslands. 

Hér má sjá hvernig listi hæfisnefndarinnar var.Sam­kvæmt lista hæf­is­nefnd­ar­innar var Ást­ráður Har­alds­son númer 14 á list­an­um. Einn þeirra sem Sig­ríður Á. And­er­sen, dóms­mála­ráð­herra, gerir til­lögu um að verði á meðal 15 dóm­urum við Lands­rétt er Jón Finn­björns­son en hann er númer 30 á lista hæf­is­nefnd­ar­inn­ar. Þá er Eiríkur Jóns­son númer 7 á lista hæf­is­nefnd­ar­inn­ar, en hann er ekki á meðal þeirra 15 sem ráð­herra gerir til­lögu um í stöðu dóm­ara.

Fyrr­nefndir Ást­ráður Har­alds­son og Eiríkur Jóns­son, ásamt Jóhann­esi Rún­ari Jóhanns­syni og Jóni Hösk­ulds­syni hlutu ekki náð fyrir augum ráð­herr­ans heldur þau Arn­fríður Ein­ars­dótt­ir, Ragn­heiður Braga­dótt­ir, Ásmundur Helga­son og Jón Finn­björns­son.

Þau 15 sem ráð­herra gerir til­lögu um í stöðu dóm­ara við Lands­rétt eru Aðal­steinn E. Jón­as­son, Arn­fríður Ein­ars­dótt­ir, Ás­mundur Helga­son, Dav­íð Þór Björg­vins­son, Her­vör Þor­valds­dótt­ir, Ing­veldur Ein­ars­dótt­ir, Jóhannes Sig­urðs­son, Jón Finn­björns­son, Krist­björg Steph­en­sen, Oddný Mjöll Arn­ar­dótt­ir, Ragn­heiður Braga­dótt­ir, Ragn­heiður Harð­ar­dótt­ir, Sig­urður Tómas Magn­ús­son, Vil­hjálmur H. Vil­hjálms­son og Þor­geir Ingi Njáls­son.

Sig­ríður kom bæði á fund nefnd­ar­innar í morgun og eftir hádeg­ið. Minni­hlut­inn í nefnd­inni telur vafa leika á því að til­laga hennar um þá 15 ein­stak­linga sem skipa skulu stöður dóm­ara við Lands­rétt stand­ist lög þar sem ráð­herra leggur til að fjórir ein­stak­lingar verði skip­aðir sem ekki voru á lista hæf­is­nefndar yfir þá hæf­ustu til að gegna emb­ætti dóm­ara við Lands­rétt. 

Á meðal þeirra sem komu á fund stjórn­skip­un­ar- og eft­ir­lits­nefndar voru for­maður hæfn­is­nefnd­ar­inn­ar, Gunn­laugur Claessen, Björg Thoraren­sen, pró­fessor í stjórn­skip­un­ar­rétti, Reimar Pét­urs­son, for­maður Lög­manna­fé­lags­ins og Ingi­björg Þor­steins­dótt­ir, vara­for­maður Dóm­ara­fé­lags Íslands.

Hér með­fylgj­andi má sjá hvernig hæf­is­nefndin horfði til reynslu umsækj­enda, og hvernig hún var met­in.

Hæfisnefndin mat reynslu umsækjenda eftir þessum mælikvörðum.

Auglýsing

Borgarstjóri: Óvissu eytt um borgarlínu og framkvæmdir hefjast 2020
Skrifað hefur verið undir viljayfirlýsingu og samkomulag sem á að tryggja fjármögnun borgarlínu.
Kjarninn 21. september 2018
Breytingar hafa leitt til verulega bætts árangurs peningastefnunnar
Aðalhagfræðingur Seðlabanka Íslands segir að þær breytingar sem gerðar hafa verið á framkvæmd peningastefnunnar hafi skilað miklum árangri.
Kjarninn 21. september 2018
Steinunn Þorvaldsdóttir
Afleitur handavandi
Kjarninn 21. september 2018
WOW air greiðir hærri vexti en önnur flugfélög
Bloomberg segir að vextirnir sem WOW air borgar vegna skuldabréfaútgáfu sinnar séu hærri en vextir í útboðum annarra evrópskra flugfélaga sem farið hafa fram á síðustu árum.
Kjarninn 21. september 2018
Birkir Hólm Guðnason
Birkir Hólm Guðnason nýr forstjóri Samskipa
Pálmar Óli Magnússon lætur af störfum sem forstjóri Samskipa og Birkir Hólm Guðnason tekur við.
Kjarninn 21. september 2018
Þórdís Kolbrún R. Gylfadóttir, ferðamála-, iðnaðar- og nýsköpunarráðherra.
Ráðherra skipar stýri­hóp um mótun nýsköp­un­ar­stefnu fyrir Ísland
Þórdís Kolbrún R. Gylfadóttir hefur skipað stýrihóp um mótun heildstæðrar nýsköpunarstefnu fyrir Ísland. Stefnan skal liggja fyrir ekki síðar en 1. maí næstkomandi.
Kjarninn 21. september 2018
Vilja þyrlupall á Heimaey
Fimm þingmenn hafa nú lagt fram þingsályktunartillögu þar sem samgöngu- og sveitarstjórnarráðherra er falið að gera ráðstafanir til að hanna og staðsetja þyrlupall á Heimaey til að auka enn frekar öryggi í sjúkra- og neyðarflugi til Vestmannaeyja.
Kjarninn 21. september 2018
Helmingur landsmanna sækir fréttir af vefsíðum fréttamiðla
Samkvæmt nýrri könnun MMR sækja einungis 4 prósent Íslendinga helst fréttir í dagblöð en 9 prósent af samfélagsmiðlum.
Kjarninn 21. september 2018
Meira úr sama flokkiInnlent