Íslenski fjöl­mið­ill­inn Nor­dic Style Mag­azine, sem heldur úti tíma­rita­út­gáfu og vef­um­fjöllun um nor­ræna hönnun og tísku, hefur ná samn­ingi við banda­ríska fyr­ir­tækið Barnes & Noble, sem rekur 778 bóka- og tíma­rita­versl­anir um öll ríki Banda­ríkj­anna.

Frá þessu er greint í frétta­til­kynn­ingu frá fyr­ir­tæk­in­u. 

Það var stofnað árið 2012 en eig­endur þess eru Soffía Theó­dóra Trygga­dóttir og Signý Krist­ins­dótt­ir. Í til­kynn­ing­unni segir Soffía að þetta sé mik­ill heiður fyrir útgáf­una. „Barnes & Noble höfðu sam­band við okkur að fyrra bragði og lýstu yfir áhuga á því að fá Nor­dic Style Mag­azine á prenti í allar sínar versl­an­ir, eftir að hafa fylgst grannt með heima­síð­unni okkar og skoðað veftíma­ritin sem við gáfum út,” sagði Soffía Theó­dóra, en hún stofn­aði útgáf­una. „Blaðið kemur út í febr­úar á nýju ári og við erum ótrú­lega ánægð og þakk­lát með að mörg af flott­ustu fyr­ir­tækj­unum á Íslandi koma til með að aug­lýsa í fyrsta íslenska blað­inu sem fer á markað í Banda­ríkj­un­um.”

Í til­kynn­ing­unni segir að þær Soffía Theó­dóra og Signý hafi deilt þeirri ástríðu að koma nor­rænni og þá sér­stak­lega íslenskri hönnun á fram­færi á heims­vís­u.  „Síðan þá hefur mið­ill­inn stækkað og dafnað og fjallar núna dag­lega um tísku, hönn­un, listir og menn­ingu frá öllum Norð­ur­lönd­un­um.  Í dag skrifa um 15 manns fyrir Nor­dic Style Mag­azine frá 9 mis­mun­andi lönd­um,“ segir í til­kynn­ing­unni.

„Ég er gríð­ar­lega stolt af þessum upp­gangi sem gerir það að verkum að íslensk hönnun og listir fá aukna athygli. Mig hrein­lega óraði ekki fyrir því að skömmu eftir að við stört­uðum þessu að við myndum við vera með svo miklar heim­sóknir á vef­síð­una og áhuga á efn­inu okkar sem krist­all­ast kannski í því að Barnes & Noble hefur gengið hart á eftir okkur að gefa út blaðið okkar út á prent­i.  Það hjálpar að sjálf­sögðu til að það hefur verið mikið hype í kringum Ísland und­an­farin ár.  Barnes & Noble vildu í raun og veru meira magn en við vorum til í að byrja með, en það er auð­veld­lega hægt að bæta við ef vel geng­ur,” segir Soffía Theó­dóra.

Barnes & Noble Inc var stofnað árið 1886, og er skráð á mark­að. Mark­aðsvirði þess við lokun mark­aða í gær var 495 millj­ónir Banda­ríkja­dala, eða sem nemur 52 millj­örðum króna.