HB Grandi hf. hefur gert samn­ing um kaup á öllu hlutafé útgerð­ar­fé­lag­inu Ögur­vík ehf.  Selj­andi hluta­fjár­ins er Brim hf., sem jafn­framt er stærsti eig­andi HB Granda með 35 pró­sent hlut. Þar er Guð­mundur Krist­jáns­son stærsti eig­andi, en hann er jafn­framt for­stjóri HB Granda.

Frá þessu er greint í til­kynn­ingu til kaup­hall­ar, en HB Grandi er eina útgerð­ar­fé­lagið á Íslandi sem skráð er á mark­að.

„Kaup­verðið er um 12,3 millj­arðar króna (95 millj­ónir evra) en getur tekið leið­rétt­ingum þegar nið­ur­staða fjár­hags­upp­gjörs félags­ins miðað við 31. ágúst 2018 liggur fyr­ir. Kaupin eru gerð með fyr­ir­vara um sam­þykki stjórnar HB Granda hf. og hlut­hafa­fundar félags­ins. Þá eru við­skiptin einnig háð sam­þykki Sam­keppn­is­eft­ir­lits­ins um sam­runa þann sem kaupin leiða til. Kaupin verða fjár­mögnuð með eigin fé og láns­fjár­magni. Hluta­bréfin verða afhent við greiðslu kaup­verðs. Jafn­framt liggur fyrir vilji stjórnar HB Granda til að skoða sölu félag­ins á frysti­tog­ara sem nú er í smíðum á Spán­i,“ segir í til­kynn­ing­unn­ni. 

Í ítar­legri úttekt á við­skipta­veldi Guð­mund­ar, sem birt­ist á vef Kjarn­ans í dag, er fjallað um stöðu Guð­mundar og félaga í hans eigu, að stærstum hluta. Í úttekt­inni var meðal ann­ars fjallað um það, að Ögur­vík hefði verið til sölu í nokkurn tíma og að HB Grandi gæti keypt félag­ið, til að létta á skulda­stöðu Brims gagn­vart Lands­bank­an­um, sem er stærsti við­skipta­banki Guð­mund­ar, og á sama tíma ná að styrkja fjár­hags­stöðu HB Granda. 

Í úttekt­inni segir meðal ann­ars:

„Eitt af því sem hefur komið til greina er að Brim selji eign­ir, til að létta á skuldum og losi um fé. Það eru helst tæp­lega þriðj­ungs­hlutur í Vinnslu­stöð­inni, en hann hefur verið til sölu lengi. Ekki hefur þó fund­ist kaup­andi sem til­bú­inn er að borga það fyrir hlut­inn sem Guð­mundur hefur viljað fá fyrir hann. Einnig hefur Ögur­vík, fyr­ir­tækið sem Brim keypti í júlí 2016, verið til sölu. Innan íslensks sjáv­ar­út­vegs hefur það verið nefnt, að HB Grandi gæti keypti það félag og styrkt sinn rekstur í leið­inni, með auk­inni stærð­ar­hag­kvæmni. Það myndi mögu­lega einnig styrkja stöðu Guð­mundar í leið­inni, og þannig væri mögu­legt að slá tvær flugur í einu höggi í fjár­hags­legu til­lit­i.“

Mark­aðsvirði HB Granda er 56,4 millj­arð­ar, miðað gengið við lokun mark­aða í dag.