Banda­ríski fjár­fest­inga­bank­inn Gold­man Sachs er sam­starfs­að­ili Amazon, í und­ir­bún­ingi tækni- og smá­söluris­ans fyrir inn­reið á fyr­ir­tækja­lána­mark­að. 

Amazon hefur nú þegar stigið stór skref inn á neyt­enda­lána­markað í Banda­ríkj­un­um, og var stærsta skrifið stigið fyrir tveimur árum þegar fyr­ir­tækið setti Amazon Credit Card í loft­ið, í sam­starfi við JP Morgan Chase. 

Frá þeim tíma hefur fyr­ir­tækið smám saman útvíkkað þjón­ustu sína á sviði neyt­enda­lána, t.d. með rýmkun á heim­ild til notk­unar á kort­inu og dýpri afslátt­ar­þjón­ustu. Föst heim­ild í upp­hafi á Amazon greiðslu­kort­inu eru 1.500 Banda­ríkja­dal­ir, en hægt er að hækka hana nú í skref­um. Fastur afláttur fyrir Amazon með­limi (Pri­me) er 5 pró­sent á öllum við­skiptum í gegnum Amazon og Whole Foods, smá­sölu­keðju fyr­ir­tæk­is­ins, og svo er einnig 1 pró­sent afsláttur á öllum öðrum við­skipt­u­m. 

En af hverju er Amazon að vinna sig hratt inn í fjár­mála­þjón­ustu?

Fyr­ir­tækið er með ein­staka yfir­sýn yfir neyslu­hegðun fólks um allan heim, og á auð­veld­ara með að greina áhættu hjá ein­stökum við­skiptum – t.d. þegar kemur að ákvörð­unum um veita fjár­mála­þjón­ustu – heldur en hefð­bundnir og rót­grónir við­skipta­bank­ar. Í ljósi stöðu sinnar sem stærsta mark­aðs­svæði heims á sviði net­við­skipta, ásaman Ali­baba í Kína, þá gefur fyr­ir­tækið byggt upp sitt eigið gæða- og þjón­ustu kerfi (sam­bæri­legu við Credit Score kerfið í Banda­ríkj­un­um) og þannig byggt upp áreið­an­legra kerfi en keppi­naut­ar, en á sama tíma veitt ódýr­ari þjón­ust­u. 

Fin­ancial Times greindi frá því í morgun, að Amazon væri að und­ir­búa sókn á lána­markað fyrir lítil og með­al­stór fyr­ir­tæki. Sam­kvæmt umfjöll­un­inni, er meðal ann­ars horft til þess að Amazon geti lánað fyrir til­tek­inni starf­semi, í sam­starfi við Gold­man Sachs, og einnig fyrir trygg­ingum og fleiru, sem smærri fyr­ir­tæki eru með sem hluta af föstum kostn­að­i. 

Ekki er nema um ára­tugur síð­an, að stærstu bank­arnir á Wall Street - þar á meðal Gold­man Sachs - voru stærstu fyr­ir­tækin í banda­rísku efna­hags­lífi, þegar horft er til mark­aðsvirð­is. Með miklum og hröðum vexti tækni­fyr­ir­tækj­anna í Banda­ríkj­unum – einkum Amazon, Microsoft, Alp­habet (Goog­le), og Apple – hafa orðið miklar breyt­ingar á mark­aði. Tæknirisarnir eru nú í for­ystu­sveit í ýmsum geir­um. 

Mark­aðsvirði Amazon er nú um 1.100 millj­arðar Banda­ríkja­dala, eða sem nemur um 137 þús­und millj­örðum króna, en til sam­an­burðar er mark­aðsvirði Gold­man sags um 90 millj­arðar Banda­ríkja­dala, eða sem nemur um 11.200 millj­örðum króna.

Þegar jóla­sölu­töl­urnar voru kunn­gjörðar í síð­ustu viku, í upp­gjöri Amazon, hækk­aði félagið um sem nam öllu mark­aðsvirði Gold­man Sachs, á einum deg­i. 

Búist er við því, að stærstu bank­arnir á Wall Street muni í vax­andi mæli, vinna með tækniris­unum að því að bjóða upp á næstu kyn­slóð fjár­mála­þjón­ustu. Gold­man Sachs hefur nú þegar stigið stórt skref með Apple Credit Card sam­starf­inu, en hyggur nú á lána­markað með Amazon, eins og áður seg­ir. 

Amazon hefur nú þegar fengið banka­leyfi í Evr­ópu, líkt og fleiri tækni­fyr­ir­tæki, þar á meðal Face­book. Búist er við því að tækni­fyr­ir­tækin muni smám saman sýna meira á spil­in, um hvernig fjár­mála­þjón­usta þeirra verður útfærð í Evr­ópu, á næstu miss­er­um.