Heild­ar­velta erlendra greiðslu­korta á Íslandi í júní nam 18,5 millj­örðum króna og jókst um nærri 40 pró­sent frá fyrri mán­uði. Sam­an­borið við júní 2014 nemur aukn­ingin milli ára 31,5 pró­sent­um. Þetta sýna nýjar tölur Seðla­banka Íslands um greiðslu­miðlun í síð­asta mán­uði.

Ef töl­urnar eru bornar saman við fjölda ferða­manna í júní­mán­uði, þá jafn­gildir greiðslu­korta­notk­unin því að hver erlendur ferða­maður hafi notað debet- eða kredit­kort fyrir tæp­lega 135 þús­und krónur hér­lend­is. Það er meira en í júní í fyrra, þegar hver ferða­maður eyddi að með­al­tali um 127 þús­und krónum með greiðslu­korti á Íslandi. Tölur yfir fjölda ferða­manna mið­ast við brott­farir erlendra ferða­manna í flugs­stöð Leifs Eiríks­sonar í mán­uði hverjum og eru fengnar frá Ferða­mála­stofu.

Línu­ritið hér að neðan sýnir veltu erlendra greiðslu­korta á Íslandi deilt niður á fjölda erlendra ferða­manna í hverj­u­m ­mán­uði, á tíma­bil­in­u frá júní 2014 til júní 2015. Greiðslu­korta­notk­unin er minnst í sept­em­ber, októ­ber og nóv­em­ber 2014 en eykst frá febr­úar síð­ast­liðn­um. Það sem af er ári var hún greiðslu­korta­notk­unin mest í maí, nærri 145 þús­und krónur hjá hverj­u­m ­ferða­manni sem kom í þeim mán­uði til lands­ins.