Íslend­ingar keyptu skyndi­bita frá Subway, Dom­in­o´s, KFC og ­Foodco, sem á og rekur sjö vöru­merki og 20 veit­inga­staði á Íslandi, fyrir 10,9 millj­arða króna á árinu 2014. Þetta kemur fram í árs­reikn­ingum þeirra. Þessir fjór­ir að­ilar eru stærstu skyndi­bita­keðjur lands­ins.

Íslensk heim­ili eru um 125 þús­und tals­ins. Ef gert er ráð fyrir því að þau hafi keypt þennan mat hefur hvert íslenskt heim­ili eytt um 87.200 krónum í skyndi­bita frá veit­inga­stöðum þess­arra fjög­urra fyr­ir­tækja á árin­u 2014. Hluti skyndi­bit­ans hefur þó verið keyptur af erlendum ferða­mönn­um. Þetta kemur fram í árs­reikn­ingum fyr­ir­tækj­anna, en öll skil­uðu umtals­verðum hagn­aði á hverju ári.

Það er því mjög arð­væn­legt að vera í skyndi­bita­geir­anum á Íslandi í dag.

Foodco hagnað mikið á und­an­förnum árum

Skyndi­bita­veldið Foodco hagn­að­ist um 144 millj­ónir króna í fyrra. Alls nemur hagn­aður fyr­ir­tæk­is­ins frá árinu 2009 um einum og hálfum millj­arði króna. Foodco á og rekur sjö vöru­merki í veit­inga­geir­an­um. Þau eru Aktu Taktu, Eld­smiðj­an, Saffran, Amer­ican Style, Pít­an, Greif­inn á Akur­eyri og Road­hou­se, sem fyr­ir­tækið keypti í maí ­síð­ast­liðn­um. Yfir 400 manns starfa hjá Foodco sem á alls 20 veit­inga­staði.

Velta fyr­ir­tæk­is­ins var rúm­lega 3,4 millj­arðar króna í fyrra sem gerir það að sölu­hæsta skyndi­bit­ar­isa lands­ins.

Sam­kvæmt árs­reikn­ingi Foodco fyrir árið 2014 dróst hagn­aður fyr­ir­tæk­is­ins saman á milli ára, en hann nam 402 millj­ón­um króna á árinu 2013. Þar mun­aði þó mest um að lán fyr­ir­tæk­is­ins vor­u end­urút­reiknuð sem gerði það að verkum að 377 millj­ónir króna voru tekju­færð­ir. Hagn­aður Foodco fyrir fjár­magns­kostn­að, skatta og afskriftir (EBIT­DA) jókst á milli ára.

Hann var 244 millj­ónir árið 2013 en 377 millj­ónir króna í fyrra. Á sama tíma hefur fyr­ir­tæk­inu gengið vel að greiða af skuldum sín­um. Heild­ar­skuldir þess lækk­uðu um 90 millj­ónir króna í fyrra og ­stöðu í 593 millj­ónum króna í lok árs 2014.

Eig­endur Foodco eru fjór­ir. Þór­ar­inn Ragn­ars­son  á 40 pró­sent hlut, félög  í eigu sona hans, þeirra Jó­hanns Arnar Þór­ar­ins­sonar (40 pró­sent) og Ótt­ars Þór­ar­ins­sonar (tíu pró­sent) eiga helm­ings­hlut og félag í eigu Bjarna Stef­áns Gunn­ars­son­ar  á tíu ­pró­sent.

Vin­sæl­asti skynd­biti lands­ins

Pizza-Pizza ehf., móð­ur­fé­lag Dom­in­o's á Ís­landi sem rekur 19 pítsu­staði á land­inu öllu, hagn­að­ist um 157 millj­ón­ir króna á árinu 2014. Árið áður nam hagn­að­ur­inn 226 millj­ónum króna og árið 2012 var hagn­að­ur­inn 111 millj­ónir króna. Velta Dom­in­o's í fyrra var sam­tals 3,3 millj­arðar króna. Þótt heild­ar­velta Foodco sé aðeins meiri en velta móð­ur­fé­lags­ Dom­in­o's er morg­un­ljóst að pizzu­stað­ur­inn er vin­sæl­asti skyndi­biti lands­ins, enda sam­anstendur velta Foodco af sölu átta mis­mun­andi vöru­merkja.

Í mars síð­ast­liðnum keypti fram­taks­sjóð­ur­inn EDDA, sem er rek­inn af  Virð­ingu en er í eigu líf­eyr­is­sjóða og ann­arra fag­fjár­festa, fjórð­urs­hlut í Dom­in­o's á Íslandi. Aðrir eig­endur eru Birgir Þ. Bielt­ved­t ­stjórn­ar­for­maður félags­ins og eig­in­kona hans Eygló Björk Kjart­ans­dótt­ir, sem einnig situr í stjórn móð­ur­fé­lag­ins, Högni Sig­urðs­son, Birgir Ö. Birg­is­son fram­kvæmda­stjóri og nokkrir aðrir lyk­il­stjórn­endur Dom­in­o‘s á Íslandi.

Ákveðið var að ráð­ast í sölu á hlutn­um til að fjár­magna útrás í Nor­egi og Sví­þjóð.

Íslend­ingar sólgnir í kjúkling og báta

Eini eig­andi félags­ins er fram­kvæmda­stjóri þess, Helgi Vil­hjálms­son, sem oft­ast er kenndur við Góu.

Rekstr­ar­fé­lag Subway á Íslandi heit­ir ­Stjarnan ehf. Alls rekur félagið 23 slíka staði víðs­vegar um land­ið. Það hagn­að­ist um 174 millj­ónir króna í fyrra, en hluti hans var vegna hagn­að­ar­ fast­eigna­fé­lags í eigum Stjörn­unn­ar. Í árs­reikn­ingi félags­ins kemur fram að velta vegna rekst­urs Subway stað­anna hafi verið um 1,8 millj­arðar króna í fyrra.