Skúli Mog­en­sen, for­stjóri og eig­andi WOW Air, segir að ekki sé þörf fyrir fleiri fjár­festa í eig­enda­hóp félags­ins vegna þeirra áforma sem félagið hefur nú kynnt, um að fljúga beint frá Íslandi til Los Ang­eles og San Francisco. Þetta kemur fram í við­tali við Skúla á vef­síð­unni Túrist­i.is. „Það er engin þörf á því að fá inn nýja fjár­festa því það gengur ein­fald­lega það vel hjá okk­ur. Í októ­ber vorum við til dæmis með 92 pró­sent sæta­nýt­ingu á öllum okkar stöðum sem er ótrú­lega hátt hlut­fall í októ­ber. En ef það kæmu inn fleiri fjár­festar þá gæti ég ekki leyft mér að hlaupa eins hratt og ég geri í dag,“ sagði Skúli í við­tal­inu.

Þrjár Air­bus 330 breið­þotur sem WOW Air ætl­­ar að leigja til þess að fljúga með far­þega sína til Los Ang­eles og San Francisco á næsta ári verða einnig not­aðar til þess að auka sæta­fram­­boð til Was­hing­t­on og Bost­on, að því er Skúli seg­ir. Hann seg­ir að til þess að ná há­­marks nýt­ingu á nýju flug­­­vél­un­um hafi þurft að bæta við tveim­ur áfanga­­stöðum á vest­­ur­­strönd­inni, og stað­irnir fyrr­nefndu í Kali­forníu urðu fyrir val­inu.

WOW Air tap­aði um 560 millj­ónum króna í fyrra, og nam tapið 330 millj­ónum árið 2013. Sam­tals hefur félagið því tapað 890 millj­ónum króna á síð­ustu tveimur árum. Skúli segir sam­tali við RÚV í dag, að þetta sé eðli­legt á upp­bygg­ing­ar­tíma hjá félag­inu. Lággjalda­mód­elið í flug­rekstri hafi sannað sig um allan heim, og að gott gengi að und­an­förnu, meðal annas góð sæta­nýt­ing og mikil tekju­aukn­ing, gefi góð fyr­ir­heit um fram­hald­ið.