Fjár­mála­fyr­ir­tækin Virð­ing og Arct­ica Fin­ance vinna nú hvor í sínu lagi að því að mynda fjár­festa­hópa sem hafa burði til að kaupa 87 pró­sent hlut slita­bús Kaup­þings í Arion banka. Frá þessu er greint í Morg­un­blað­inu í dag. Í frétt blaðs­ins segir að bæði félögin leggi áherslu á að fá stærstu líf­eyr­is­sjóði lands­ins að mál­inu. Sam­kvæmt heim­ildum Morg­un­blaðs­ins þá halda líf­eyr­is­sjóð­irnir mjög að sér höndum en málið hefur fengið umfjöllun í stjórnum ein­hverra þeirra á síð­ustu dög­um.

Nálgun Virð­ingar og Arct­ica Fin­ance er sögð sú sama, þ.e. að fag­fjár­festar kaupa Arion banka og í kjöl­farið verði almenn­ingi boðið að fjár­festa í gegnum skrán­ingu á hluta­bréfa­markað á næsta ári. Arct­ica hyggst fjár­festa sjálft í bank­anum en Virð­ing ein­skorðar aðkomu sína að ráð­gjöf. Síð­ar­nefnda fyr­ir­tæki hefur þegar fengið til liðs við sig tvo menn til að leiða hóp einka­fjár­festa, þá Sig­ur­björn Þor­kels­son banka­mann og Hregg­við Jóns­son, aðal­eig­anda Ver­itas og for­mann stjórnar Við­skipta­ráðs Íslands.

Í frétt Morg­un­blaðs­ins segir að talið sé ólík­legt að bank­inn verði seldur á bók­færðu eigin fé, sem nemur um 168 millj­örðum króna. Lík­legra sé að sölu­verð verði á bil­inu 0,6 til 0,8 sinnum eigið fé. Það þýðir að sölu­and­virði hlut­ar­ins gæti numið á bil­inu 88 til 117 millj­arðar króna.