Ísland er örugg­asta ríki heims­ins, sam­kvæmt alþjóð­lega frið­ar­stuðl­inum (e. Global Peace Index). Ísland hefur verið örugg­asta ríkið á hverju ári frá árinu 2007, þegar frið­ar­stuð­ull­inn var birtur í fyrsta sinn. 

The Independent tók í gær saman list­ann yfir fimmtán örugg­ustu ríkin til þess að ferð­ast til, í til­efni af ferða­við­vör­unum Banda­ríkja­stjórn­ar, sem ráð­leggur Banda­ríkja­mönnum frá ferða­lögum um allan heim eftir hryðju­verkin í Par­ís. 

Grafið hér að ofan byggir á grafi Independent, en alþjóð­legi frið­ar­stuð­ull­inn tekur meðal ann­ars inn í mynd­ina örygg­is­á­standið í rík­inu, her­væð­ingu og þátt­töku í átök­um, bæði inn­an­lands og utan. Þá er fjöldi mann­drápa, aðgangur að vopn­um, ofbeld­is­full mót­mæli og fleira tekið með í reikn­ing­inn. 

Stuð­ull er gef­inn fyrir þessa þætti á skal­anum 1 til 5. Ísland fer upp í tvo í fjórum mála­flokkum sem eru mæld­ir. Það er í stríðs­á­tökum erlend­is, í inn­flutn­ingi á vopn­um, í fjölda lög­reglu­manna og í skynjun á glæp­um. 

Í neðstu sæt­unum í frið­ar­stuðl­inum eru Sýr­land, Írak og Afganistan, í þess­ari röð.