Það eru klikk­hausar í öllum hóp­um, þar með talið trú­ar­brögð­um, en það er sorg­legt ef við látum þá stjórna því hvernig við hugsum og högum okkur og komum fram gagn­vart með­borg­urum okk­ar. Þetta segir Jóhannes Þór Skúla­son, aðstoð­ar­maður Sig­mundar Dav­íðs Gunn­laugs­son­ar, í færslu á Face­book-­síðu sinni í dag. 

Jóhannes deilir frétt af vinn­ings­til­lögu fyrir nýja mosku í Reykja­vík, og segir hana fal­legt hús sem sé vel hannað inn í umhverf­ið. Hann skrifar einnig um umræð­una um íslam og múslima und­an­farið og seg­ir: „Mér finnst skelf­ing sorg­legt hnútukast í gangi núna um sundr­ungu hræðslu og að fólk sem aðhyllist þessi eða hin trú­ar­brögðin séu svona eða hinseg­in. Alhæf­ingar hafa sjaldn­ast verið upp­spretta skyn­sam­legrar umræðu. Fólk er bara fólk, sama hvar það býr í heim­inum og sama hverju það trú­ir.“ Í grunn­inn sé fólk bara að reyna að upp­fylla drauma og vonir og búa fjöl­skyldu sinni góða fram­tíð. 

„Það eru klikk­hausar í öllum hóp­um, jafnt öllum trú­ar­brögðum og öðrum hóp­um. En það er ósköp sorg­legt ef við látum klikk­haus­ana stjórna því hvernig við hugsum og högum okkur og komum fram gagn­vart með­borg­urum okk­ar. Bætt sam­fé­lag byrjar með okkur sjálf­um.“ 

Sig­mundur Davíð vildi ekki mosku á þennan stað

Sig­mundur Davíð Gunn­laugs­son hefur sagt að hann sé ekki á móti bygg­ingu mosku í Reykja­vík, en að hann vilji ekki að hún rísi í Soga­mýri, þar sem hún er fyr­ir­hug­uð. Sig­mundur var gagn­rýndur fyrir að taka ekki afdrátt­ar­laust til orða eftir að umræða um bygg­ingu mosku varð stór­mál í síð­ustu sveit­ar­stjórn­ar­kosn­ing­um, þegar verð­andi borg­ar­full­trúar Fram­sókn­ar­flokks­ins hófu umræðu um málið og sögð­ust vilja aft­ur­kalla úthlutun lóð­ar­inn­ar. 

Bæði Sig­mundur og Ólafur Ragnar Gríms­son hafa verið gagn­rýndir og sagðir valda sundr­ungu meðal Íslend­inga með ummælum sínum í kjöl­far hryðju­verk­anna í Par­ís.