Plain Vanilla fær tæpan millj­arð í fjár­magn frá banda­ríska tölvu­leikja­fram­leið­and­anum Glu Mobile Inc. Fyr­ir­tækið sér­hæfir sig í að fram­leiða leiki fyrir snjall­síma og spjald­tölvur og ætlar að fjár­festa í Plain Vanilla fyrir allt að 7,5 millj­ónir Banda­ríkja­dala sem sam­svarar um 970 millj­ónum króna. 

Niccolo de Masi, for­stjóri Glu, tekur sæti í stjórn QuizUp en þar að auki öðl­ast Glu kaup­rétt á öllu hlutafé Plain Vanilla á fyr­ir­fram umsömdu verði. Kaup­rétt­ur­inn gildir í 15 mán­uði frá fjár­fest­ing­unni.

Vill skoða kaup á Plain Vanilla í heilu lagi

Haft er eftir de Masi í til­kynn­ingu sem send var fjöl­miðlum í dag að hann hlakki til að taka sæti í stjórn QuizUp. 

„Til við­bótar við þau tæki­færi sem fel­ast í kynn­ing­ar­sam­starfi á milli leikja Glu og sér­hæfðra áhuga­hópa innan QuizUp, þá erum við spennt að sjá þennan spenn­andi, nýja spurn­inga­þátt sem verður til með sam­vinnu Plain Vanilla og NBC," segir hann. „Ef sam­starfið verður far­sælt og tekjur af QuizUp halda áfram að aukast þá mun Glu skoða að nýta þann rétt sem við höfum til að kaupa fyr­ir­tækið í heilu lag­i.“ 

Fyr­ir­tækin tvö munu meðal ann­ars leggja áherslu á þróun QuizUp sjón­varps­þátt­ar­ins, sem til­kynnt var um síð­asta haust. Stærsta sjón­varps­stöð Banda­ríkj­anna, NBC, hefur ákveðið að fram­leiða 10 þátta seríu sem byggir á QuizUp. Í kjöl­farið keypti ITV fjöl­miðl­aris­inn, sem rekur hátt í tíu sjón­varps­stöðvar í Bret­landi, rétt­inn að QuizUp spurn­inga­þætt­inum þar í land­i. 

Vonir bundnar við sjón­varpið

Standa vonir til þess að QuizUp spurn­inga­þáttur verði sýndur um allan heim en í honum etja þátt­tak­endur í upp­töku­veri kappi við sjón­varps­á­horf­endur sem sitja heima í stofu og eiga sig­ur­veg­arar mögu­leika á að vinna sér inn pen­inga­upp­hæð­ir. 

Plain Vanilla fram­leiðir spurn­inga­leik­inn QuizUp en síðan honum var hleypt af stokk­unum haustið 2013 hafa um 40 millj­ónir not­enda skráð sig til leiks og eyða not­endur í dag að jafn­aði um 30 mín­útum á dag í leikn­um.

Glu Mobile Inc er skráð í banda­rísku NAS­DAQ kaup­höll­ina en stærstu hlut­hafar Glu eru ýmsir fjár­fest­ing­ar­sjóð­ir. Kín­verska fyr­ir­tækið Tencent, sem er stærsta net­fyr­ir­tæki Asíu og það fjórða stærsta í heimi, keypti 15% hlut í Glu fyrir um 15 millj­arða króna í apríl í fyrra. En Tencent er einnig á meðal stærstu hlut­hafa í Plain Vanilla.