Engin stefna um sjúkrahótel og þörf sjúklinga aldrei verið metin

Sjúkrahótel teljast ekki til heilbrigðisþjónustu samkvæmt lögum.
Sjúkrahótel teljast ekki til heilbrigðisþjónustu samkvæmt lögum.
Auglýsing

Ríkisendurskoðun segir að það þurfi ekki að koma á óvart að búið sé að segja upp samningi um rekstur sjúkrahótels í Ármúla, miðað við það sem á undan er gengið. Landspítalinn og Sjúkratryggingar hafi lengi deilt opinberlega um reksturinn, og meginvandinn liggur í því að stofnanirnar tvær hafa mismunandi sýn á það hvernig sjúkrahótelið á að vera, hverjir eiga að dvelja þar og hvernig þjónustu á að veita. Þetta er ótækt að mati Ríkisendurskoðunar, sem hvetur velferðarráðuneytið til að höggva á hnútana í nýrri skýrslu

Heilsumiðstöðin/Sinnum sagði upp samningi við Sjúkratryggingar fyrir helgi, og sagði það vegna þess að starfsemi miðstöðvarinnar við rekstur sjúkrahótels í Ármúla væri bitbein milli opinberra aðila sem takist á um hvar fjárveitingin til starfseminnar eigi að vera, og hafi ólíkar skoðanir á eðli og hlutverki sjúkrahótelsins. 

Athugasemdir frá upphafi 

Landspítalinn hefur nánast frá upphafi samningsins árið 2011 gert margvíslegar athugasemdir við aðstöðu, aðbúnað og efndir rekstraraðila sjúkrahótelsins. Sjúkratryggingar telja athugasemdir spítalans hins vegar tilefnislausar. Stofnanirnar tvær líta á reksturinn mjög ólíkum augum og samskipti þeirra eru þeim til vansa, segir ríkisendurskoðun. Stofnanirnar verði að leggjast á eitt og koma samskiptum sínum í eðlilegan farveg með hjálp ráðuneytisins. 

Auglýsing

Landspítalinn veitir hjúkrunarþjónustu á hótelinu en Heilsumiðstöðin/Sinnum sjá um hótelþjónustu. Hins vegar hefur aldrei farið fram mat á raunverulegri þörf sjúklinga fyrir hjúkrun og aðhlynningu þar. Þess vegna hefur verið deilt um ástand og þjónustuþörf sjúklinga sem þangað koma. Sjúkratryggingar segja að sjúklingar eigi að vera sjálfbjarga þegar þeir koma þangað, þótt þeir geti veikst þar og þá þurft meiri meðferð, en Landspítali og Heilsumiðstöðin eru á því að stundum komi sjúklingar veikir á hótelið. 

Heilbrigðiseftirlit Reykjavíkur hefur líka í tvígang gert ýmsar athugasemdir við aðbúnað á sjúkrahótelinu. Fyrst í desember 2012 og svo í mars 2015. 

Þá gerði embætti landlæknir athugasemdir í sinni úttekt í fyrra, en taldi engu að síður að í heildina væri þjónusta sjúkrahótelsins góð. 

Engin stefna eða skilgreiningar

Velferðarráðuneytið er einnig hvatt til þess í skýrslunni að marka skýra stefnu um eðli og rekstur sjúkrahótela. Slíkt hafi ekki verið gert í ráðuneytinu, þar sem engin skýr stefna hafi verið mörkuð um hvernig þessum málum skuli vera háttað. 

Lög um heilbrigðisþjónustu fjalla ekki neitt um sjúkra- eða sjúklingahótel, en hugtakið sjúkrahótel er skilgreint í reglugerð. Sjúkrahótel eru því ekki heilbrigðisstofnanir samkvæmt lögum. 

Ríkisendurskoðun segir að það sé mótsögn falin í skilgreiningunni á sjúkrahóteli annars vegar og ákvæðum samninganna hins vegar. Þessu þurfi að eyða því mótsögnin eigi verulega sök á ágreiningnum um málið. Annað hvort þurfa sjúkrahótel að teljast til heilbrigðisþjónustu eða þá að þjónusta verði takmörkuð. 

Þá er velferðarráðuneytinu bent á að það þurfi að tryggja samræmda skráningu upplýsinga, sem sé forsenda þess að hægt sé að meta þjónustuna og hagkvæmnina. Tölurnar frá Landspítala og Sinnum/Heilsumiðstöðinni eru mjög ólíkar hvað þetta varðar, enda teknar saman út frá mismunandi forsendum. 

Greiddu milljónir til Sinnum í bætur 

Sjúkratryggingar greiddu Sinnum, sem þá sá um hótelið, tvisvar sinnum efndabætur vegna samningsins árið 2012. Upphæðirnar námu 6,5 milljónum í janúar og 7,3 milljónum í ágúst, samtals 13,8 milljónir króna. 

Þetta var byggt á upplýsingum úr útboðsgögnum, sem sögðu það mögulegt að hlutfall ósjúkratryggðra á hótelinu myndi hækka úr þeim 6% gesta sem gert var ráð fyrir. Þetta gekk ekki eftir, ósjúkratryggðir voru 2,5% árið 2011 og 2% fyrri hluta 2012. Vegna þessa fékk fyrirtækið bæturnar, þrátt fyrir að komið hafi fram í útboðslýsingunni að tölurnar væru settar fram „sem vísbending og er því ekki loforð um kaup.“ Sinnum krafðist reyndar líka bóta vegna niðurfellingar Landspítala á hjúkrunarþjónustu um jól og áramót, sem leiddi til lægri tekna fyrirtækisins. 

Þetta segir Ríkisendurskoðun að hefði þurft að vera skýrara í samningum, auk þess sem eðlilegt hefði verið að Landspítalinn kæmi að málinu, sem hann gerði ekki. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiInnlent
None