Þriðji hver Íslend­ingur býr á heim­ili þar sem áskrift er að efn­isveit­unni Net­fl­ix. Tæp 60 pró­sent lands­manna eru ekki með áskrift, en tæp átta pró­sent segj­ast ætla að fá sér áskrift á næstu sex mán­uð­u­m. 

Þetta eru nið­ur­stöður nýrrar skoð­ana­könn­unar MMR. 

Kjós­endur Fram­sóknar og VG vilja síður Net­flix

Algengi Net­flix áskriftar var mis­jafnt eftir lýð­fræði­hóp­um, sér í lagi eftir aldri. Til dæmis voru heim­ili tæp­lega helm­ings þeirra sem eru 18-29 ára með Net­flix áskrift, en ein­ungis um tæp 8 pró­sent heim­ila þeirra sem voru 68 ára og eldri. Tekju­hærri hópar voru einnig lík­legri til að hafa Net­flix áskrift heldur en tekju­lægri hóp­ar. 

Stuðn­ings­menn Fram­sóknar og Vinstri-grænna voru mun ólík­legri til að hafa Net­flix áskrift heldur en stuðn­ings­menn ann­arra flokka.

MMR gerði könn­un­ina dag­ana 12. til 20. jan­úar 2016 og voru 922 ein­stak­lingar sem svör­uð­u. 

Net­flix opn­aði fyrir starf­semi sína í Íslandi í byrjun árs­ins. Áskrift­ar­leið­irnar kosta átta til tólf evrur á mán­uði. Það var þó hægt að vera með áskrift að Net­flix á Íslandi áður en það opn­aði lög­lega hér á landi. Í októ­ber í fyrra voru rúm 18 pró­sent íslenskra heim­ila með áskrift að Net­fl­ix, eftir króka­leið­u­m.