Aðstoð­ar­maður blæs á gagn­rýni

Nýjasta við­bótin í hlað­varps­flóru Kjarn­ans, Útvarp Ísa­fjörður, varð fyrst fjöl­miðla í til að næla í við­tal við nýráð­inn aðstoð­ar­mann Gunn­ars Braga Sveins­sonar utan­rík­is­ráð­herra, Ísfirð­ing­inn Gauta Geirs­son. Hann hafði verið mikið í umræð­unni vik­una áður sökum ungs ald­urs og hafði ráð­herra verið gagn­rýn­inn fyrir að ráða sér svo reynslu­lít­inn aðstoð­ar­mann. Gauti sagð­ist alltaf hafa haft mik­inn áhuga á utan­rík­is­málum og sagði nauð­syn­legt að gefa ungu fólki meiri tæki­færi. Hann hætti að versla í H&M eftir að hann heim­sótti fata­verk­smiðju fyr­ir­tæk­is­ins í Kam­bó­díu á ferð sinni um heim­inn.  

Banda­ríkin eru flók­in 

Magnús Jón­as­son ræddi við Birgi Þór Harð­ar­son í Hlað­varp­inu um for­seta­kosn­ing­arnar í Banda­ríkj­un­um. Magnús er mik­ill áhuga­maður um banda­ríska póli­tík og er með allt á hreinu sem við­kemur hinu flókna kosn­inga­ferli sem er við lýði vest­an­hafs. Hann fer yfir þann fjölda lýð­fræði­breytna sem ein­kennir Nevada og Norð­ur­-Kar­ólínu þegar við­kemur upp­skipt­ingu Demókrata og Repúblik­ana.  

Gaman í vinn­unni

Freyr Eyj­ólfs­son, útsend­ari Kjarn­ans í Par­ís, ræddi við Aðal­stein Leifs­son, for­stöðu­mann EFTA, á kaffi­húsi í Genf. Í nýjasta þætt­inum af Undir smá­sjánni spjalla þeir um brenn­andi áhuga Aðal­steins á fagi sínu, en hann er einnig lektor í samn­inga­tækni við Háskól­ann í Reykja­vík. Hann segir samn­inga ekk­ert annað en sam­eig­in­lega ákvarð­ana­töku - það sé hins vegar leiðin að þeim sem sé stundum flók­in. 

FBI vill inn í iPhone

Apple komst enn á ný í fréttir í vik­unni þegar fregnir bár­ust af bar­áttu fyr­ir­tæk­is­ins við banda­rísku Alrík­isr­lög­regl­una, FBI, um aðgang yfir­valda að gögnum á iPhone sím­um. Í Tækni­varp­inu fengu þeir Gunn­laugur Reynir og Andri Valur hann Jón Heiðar Þor­steins­son, frá Stuck­in­iceland.com og Advania, í heim­sókn þar sem þeir ræddu meðal ann­ars þetta mál. 

Sig­mund­ar­leysi Sam­fylk­ing­ar­innar

Karlar eru körlum best­ir. Þetta er nið­ur­staðan sem þau Þór­unn Elísa­bet Boga­dóttir og Þórður Snær Júl­í­us­son, aðstoð­ar­rit­stjóri og rit­stjóri Kjarn­ans, komust að þegar þau ræddu í Kviku vik­unnar hina enda­lausu skekkju í kynja­hlut­föllum innan fjár­mála­kerf­is­ins. Þau krufu líka vanda Sam­fylk­ing­ar­innar og telja að flokk­ur­inn þurfi að finna „sinn Sig­mund Dav­íð“ eins og Fram­sókn­ar­flokk­ur­inn gerði forðum þegar Sig­mundur var kjör­inn for­mað­ur. Leiðin lá upp á við fyrir Fram­sókn­ar­flokk­inn eftir það.