Báðir for­eldrar barna sem fæð­ast and­vana fá þriggja mán­aða fæð­ing­ar­or­lof frá og með deg­inum í dag. Alþingi sam­þykkti lög þess efnis með 45 ein­róma atkvæðum á þingi fyrr í dag. 

Hingað til hafa for­eldrar átt sam­eig­in­legan rétt til þriggja mán­aða orlofs ef and­vana­fæð­ing á sér stað eftir 22 vikna með­göngu. Ein­róma stuðn­ingur var við það að lengja rétt for­eldra þannig að hvort um sig fá sjálf­stæðan rétt til þriggja mán­aða fæð­ing­ar­or­lofs. Gamla fyr­ir­komu­lagið hafi ekki veitt for­eldrum nægi­legt svig­rúm til þess að jafna sig eftir missi. 

Frum­varp um breyt­ingar á lög­unum var lagt fram í haust í annað skipti, en Páll Valur Björns­son, þing­maður Bjartrar fram­tíð­ar, var fyrsti flutn­ings­maður þess. Auk hans voru flutn­ings­menn hinir fimm þing­menn Bjartrar fram­tíð­ar, Katrín Jak­obs­dóttir for­maður VG, Helgi Hrafn Gunn­ars­son kafteinn Pírata og Össur Skarp­héð­ins­son þing­maður Sam­fylk­ing­ar­inn­ar. Í frum­varp­inu var gert ráð fyrir því að fæð­ing­ar­or­lofið yrði lengt í fullt fæð­ing­ar­or­lof, og var sagt að varla væri hægt að halda því fram að munur sé á því að eign­ast and­vana barn eða að missa barn skömmu eftir fæð­ing­u. Ef barn deyr skömmu eftir fæð­ingu fá for­eldrar fullt fæð­ing­ar­or­lof, sem er þrír mán­uðir hvort for­eldri um sig og þrír mán­uðir sem eru sam­eig­in­leg­ir. „Í báðum til­vikum þurfa for­eldr­arnir að takast á við sam­bæri­legt sorg­ar­ferli, til við­bótar því álagi sem fylgir fæð­ingu barns. Hið and­lega bata­ferli er af sama meiði hvort sem barnið lést í móð­ur­kviði eða stuttu eftir fæð­ing­u,“ sagði í grein­ar­gerð með frum­varp­inu.

Við með­ferð máls­ins hjá vel­ferð­ar­nefnd sam­ein­að­ist öll nefndin um að gera breyt­ingar þannig að hvort for­eldri um sig fái þriggja mán­aða orlof. Nefndin féllst á að það væri ekki heppi­legt að það væri sex mán­aða munur á orlof­inu eftir því hvort barn deyr rétt fyrir eða eftir fæð­ing­u. 

Páll Valur Björns­son var einnig fyrsti flutn­ings­maður þings­á­lykt­un­ar­til­lögu sem var sam­þykkt á þingi í dag, en hún kveður á um að 20. nóv­em­ber hvers árs verði helg­aður fræðslu um mann­rétt­indi barna í skólum lands­ins. Talið er að það sé eins­dæmi að tvö mál þing­manns minni­hluta fáist sam­þykkt á sama deg­i.