Matth­ías Ims­land, aðstoð­ar­maður Sig­mundar Dav­íðs Gunn­laugs­sonar for­sæt­is­ráð­herra, seg­ist ekki þekkja neinn fram­sókn­ar­mann sem beri traust til Vil­hjálms Bjarna­son­ar, þing­manns Sjálf­stæð­is­flokks­ins. Þetta segir Matth­ías á Face­book-­síðu sinn­i. 

Hann deilir þar frétt Vísis um gagn­rýni Vil­hjálms á Sig­mund Dav­íð, fyrir að hafa ekki greint frá félagi eig­in­konu sinnar á Tortóla. Vil­hjálmur sagði meðal ann­ars að málið rýri traustið milli stjórn­ar­flokk­anna. 

„Finnst nú eig­in­lega pínu fyndið að í hvert skipti sem Villi gagn­rýnir Fram­sókn þá er því slegið upp. Svona til upp­lýs­inga þá þekki ég nú engan fram­sókn­ar­mann sem ber traust til Vil­hjálms,“ segir Matth­ías á Face­book. 

Vil­hjálmur var einnig gestur í Viku­lok­unum á Rás 1 í morgun og sagði þá mjög óþægi­legt fyrir Sjálf­stæð­is­flokk­inn að standa and­spænis þessu máli. Sig­mundur hafi setið beggja vegna borðs­ins í tengslum við vinnu við upp­gjör föllnu bank­anna. „Það er eins og menn skilji ekki van­hæfi og hags­muna­tengsl,“ sagði hann. Í ýmsum málum sé hangið á forms­at­riðum eins og að lög hafi ekki verið brot­in. Alltaf eigi að upp­lýsa um hags­muna­tengsl. „Auð­vitað rýrir þetta traust mitt á hinum flokknum í þessu sam­starf­i.“