Blaða­maður og ljós­mynd­ari frá norska dag­blað­inu Aften­posten voru stöðv­aðir af lög­reglu fyrir utan heim­ili Sig­mundar Dav­íðs Gunn­laugs­sonar for­sæt­is­ráð­herra í dag þegar þeir reyndu að ná tali af for­sæt­is­ráð­herra. Frá þessu er greint í umfjöllun Aften­posten um Sig­mund Davíð og félagið Wintr­is. 

Aften­posten greinir frá því að blaða­maður og ljós­mynd­ari hafi farið heim til Sig­mundar Dav­íðs í morg­un. Sig­mundur Davíð og Anna Sig­ur­laug Páls­dótt­ir, eig­in­kona hans, hafi komið keyr­andi að hús­inu. Anna Sig­ur­laug er þar sögð hafa komið að máli við blaða­mann­inn, verið kurt­eis en ekki viljað koma í við­tal. Á meðan hafi Sig­mundur Davíð verið inni í bíl þeirra, og talað í sím­ann. 

Nokkrum mín­útum síðar hafi Anna Sig­ur­laug komið út aftur og blaða­maður og ljós­mynd­ari hafi verið að und­ir­búa brott­för þegar lög­reglu­bíll kom keyr­andi. Tveir lög­reglu­menn hafi kraf­ist þess að sjá vega­bréf og pressupassa þeirra. Eftir stutt sam­tal við starfs­menn Aften­posten fóru lög­reglu­menn­irnir og ræddu við Sig­mund Dav­íð, sem fór við það inn til sín. 

Í stórum fjöl­miðlum um allan heim 

Umfjöllun um aflands­fé­lög íslenskra stjórn­mála­manna, og þá sér­stak­lega Sig­mund Dav­íð, er áber­andi í stórum fjöl­miðlum víða um heim. Líkt og Kjarn­inn greindi frá fyrr í dag er gríð­ar­mikil umfjöllun í þýska stór­blað­inu Suedd­eutsche Zeit­ung.

Í danska rík­is­út­varp­inu er fjallað um Sig­mund Dav­íð, Vla­dimír Pútín Rúss­lands­for­seta og Lionel Messi knatt­spyrnu­mann í sömu frétt­inni. Sænska rík­is­sjón­varpið fjallar ítar­lega um Wintris, Sig­mund Davíð og það hvernig hann varð for­sæt­is­ráð­herra vegna afstöðu sinna til kröfu­hafa meðal ann­ar­s. 

Margir fjöl­miðlar hafa einnig gert við­talið við Sig­mund Dav­íð, sem sænska rík­is­sjón­varpið tók ásamt Reykja­vík Media, að umtals­efni. SVT greinir frá þessu, sem og Guar­dian, sem greinir frá því á for­síðu að hann hafi gengið á dyr og yfir­gefið við­talið. Einnig er fjallað um það í Guar­dian að Sig­mundur Davíð muni nú þurfa að takast á við kröf­una um að boðað verði til kosn­inga og hann segi af sér. 

Breska rík­is­út­varpið BBC fjallar ítar­lega um Sig­mund Davíð í sinni umfjöllun um Panama­skjölin og það gerir franska stór­blaðið Le Monde líka. Þá er líka fjallað um mál­efni hans í ind­verskum fjöl­miðlum.