Sendi­nefnd Alþjóða­gjald­eyr­is­sjóðs­ins hér á landi, segir að leggja eigi áherslu á að vanda til verka, þegar kemur að end­ur­skipu­lagn­ingu banka­kerf­is­ins. Ekki eigi að einka­væða bank­anna hratt, og reyna eftir fremsta megni að fá að kerf­inu erlenda banka með gott orð­spor. 



Þetta er eitt af því sem fram kemur í til­kynn­ingu sjóðs­ins, sem kynnt var á fundi í dag og lesa má um í frétt Kjarn­ans, en sendi­nefndin hefur verið hér á landi und­an­farna daga.

Sendi­nefndin segir að stjórn­völd þurfi að taka mið af því að ríkið eigi nú stóran hluta í banka­kerf­inu, rúm­lega 98 pró­sent hlut í Lands­bank­an­um, Íslands­banka að fullu og 13 pró­sent í Arion banka.

„Stefna stjórn­valda þarf að taka mið af vax­andi þátt­töku rík­iss­ins í banka­kef­inu. Það er mik­il­vægt að rík­ið, sem meiri­hluta­eig­andi í tveimur bönkum og með umtals­verða hags­muni í þeim þriðja, fari fram af ábyrgð. Gæta þarf að því að arð­greiðslur skerði ekki um of lausafé bank­anna. Ekki á að hraða einka­væð­ingu um of en leggja þess í stað áherslu á að finna trausta kaup­end­ur, helst erlenda banka með gott orð­spor. Jafn­framt ætti að huga að því að efla laga­heim­ildir og sjálf­stæði Fjár­mála­eft­ir­lits­ins sam­hliða vinnu við þróun áhættu­mats og bættu banka­eft­ir­liti með breyt­ingum á lögum um opin­bert eft­ir­lit með fjár­mála­starf­semi. Aðkomu tveggja opin­berra aðila að eft­ir­liti með bönkum ætti einnig að end­ur­meta, ekki síst vegna sam­ræm­ing­ar­vanda sem kann að koma upp, þar sem laust fé og eigið fé eru sín hvor hliðin á sama pen­ingi. Ein leið til hag­ræð­ingar gæti verið að sam­eina reglu­verk og eft­ir­lit með bönkum innan Seðla­bank­ans en að Fjár­mála­eft­ir­litið ann­ist eft­ir­lit með öðrum fjár­mála­stofn­unum og mörk­uðum ásamt neyt­enda­vernd. Slíka tveggja turna lausn og aðrar mögu­legar útfærslur þyrfti að kanna bet­ur,“ segir sendi­nefnd­in.