Einar K. Guð­finns­son, for­seti Alþing­is, ætlar að láta fara sér­stak­lega yfir hags­muna­skrán­ingu þing­manna og fram­kvæmd þeirra reglna. Þetta kom fram í svari hans við fyr­ir­spurn Svan­dísar Svav­ars­dótt­ur, þing­flokks­for­manns Vinstri grænna, á Alþingi í dag. 

Svan­dís spurði Einar hvernig hann hygð­ist bregð­ast við mis­mun­andi túlkun þing­manna á reglum um það hvernig skrá skuli hags­muni þing­manna. Þá spurði hún hvort hann telji að reglur hafi verið brotnar þegar Sig­mundur Davíð Gunn­laugs­son kaus að skrá ekki ein­gar­hlut sinn í Wintris þegar hann var kos­inn á þing 2009 og hvort hann telji að Bjarni Bene­dikts­son hafi brotið reglur þegar hann skráði ekki eign­ar­hlut sinn í félag­inu Falcon. 

Einar sagð­ist ekki geta kveðið upp úr um spurn­ing­arnar varð­andi Sig­mund Davíð og Bjarna, en komi ekki auga á það að regl­urnar um hags­muna­skrán­ingu hafi verið brotn­ar. Hins vegar þurfi að „fara yfir þessi mál bet­ur.“ 

Hann sagði að hitt væri hins vegar hár­rétt og kjarni máls­ins „að við höfum orðið vör við það á síð­ustu vikum að uppi er mis­mun­andi skiln­ingur ein­stakra hátt­virtra þing­manna og fleiri aðila á því nákvæm­lega hvað regl­urnar um hags­muna­skrán­ing­una þýða.“

Vand­inn sé marg­þætt­ur, meðal ann­ars að þegar regl­urnar um hags­muna­skrán­ingu voru settar hafi ekki fylgt nein grein­ar­gerð til að útskýra þær frek­ar. Það sé auð­vitað ekki gott að mis­mun­andi skiln­ingur sé uppi um það hvað regl­urnar þýð­i. 

„Þing­menn eru í mjög sér­stakri stöðu. Þing­menn sækja sitt umboð, sitt vald, til almenn­ings og eiga þess vegna að standa reikn­ings­skil gagn­vart almenn­ing­i.“