Krist­ján Gunnar Valdi­mars­son, lektor í inn­lendum og alþjóð­legum skatta­rétti, hag­aði störfum sínum í sam­ræmi við lög. Þetta er nið­ur­staða Háskóla Íslands á aðkomu hans að þeim málum sem greint var frá Í Kast­ljós­þætti 3. apríl síð­ast­lið­inn. Háskól­inn ákvað að skoða hvort til­efni væri að taka til athug­unar störf Krist­jáns Gunn­ars og hvort að störf hans hafi falið í sér brot á skyldum hans gagn­vart skól­an­um. nið­ur­staða skoð­un­ar­innar var að ekki sé til­efni til að ráð­ast í form­lega athug­un. Frá þessu er greint á mbl.­is.

Þar segir einnig að skól­inn hafi leitað eftir athuga­semdum frá Krist­jáni Gunn­ari áður en tekin var ákvörðun um að ráð­ast ekki í form­lega athugun á málum hans. 

Í Kast­ljós­þætt­in­um, sem var sá sami og opin­ber­aði aflands­fé­laga­eign nokk­urra kjör­inna full­trúa, var m.a. birt­ust tölvu­póstur frá Krist­jáni Gunn­ari þar sem hann óskar eftir því að fá umboð fyrir aflands­fé­laga­þjón­ustu lög­fræði­stof­unnar Mossack Fon­seca á Íslandi. Þessi tölvu­póstur var sendur í októ­ber 2013. Í frétt Reykja­vík Media um málið segir m.a.: „ Í skeyti sem hann sendi til Panama kynnti hann sig sem lög­fræð­ing og lektor við Háskóla Íslands og minnti á að hann hefði í störfum fyrir Lands­bank­ann átt í við­skiptum við fyr­ir­tæk­ið. Krist­ján kvaðst hafa umbjóð­endur sem vildu stofna félag í Panama – en óskaði jafn­framt eftir að geta stofnað félög á fleiri aflands­svæð­u­m."

Krist­ján Gunnar var einnig milli­liður Júl­í­usar Víf­ils Ingv­ars­son­ar, fyrrum borg­ar­full­trúa Sjálf­stæð­is­flokks­ins, varð­andi upp­setn­ingu félags sem hann stofn­aði í Panama og við stofnun banka­reikn­inga í Sviss.