Boðað hefur verið til þing­fundar klukkan 17:15 í dag. Á dag­skránni er nýtt frum­varp Bjarna Bene­dikts­sonar fjár­mála- og efna­hags­ráð­herra um með­ferð krónu­eigna sem háðar eru sér­stökum tak­mörk­unum, sem sagt útboð á aflandskrón­um. Það er stórt skref í átt að afnámi hafta hér á landi og hafði verið boðað að slíkt útboð færi fram á næstu vik­um. 

Boðað var til fund­ar­ins með skömmum fyr­ir­vara og greinir RÚV frá því að leið­togar stjórn­ar­and­stöð­unnar hafi fengið kynn­ingu á mál­inu á fundi fyrir klukku­stund síð­an.

Stefnt er á að klára málið fyrir opnun mark­aða á mánu­dag­inn. 

„Mark­mið laga þess­ara er að stuðla að losun fjár­magns­hafta og skapa grund­völl fyrir frjáls milli­ríkja­við­skipti með íslenskar krónur með efna­hags­legan stöð­ug­leika og almanna­hag að ­leið­ar­ljósi. Í því skyni er mælt fyrir um með­ferð til­tek­inna krónu­eigna, svo­nefndra aflandskrónu­eigna. Þær verða áfram háðar sér­stökum tak­mörk­unum sem er ætlað að draga úr á­hættu við að ná því mark­miði lag­anna sem lýst er í 1. málsl,“ segir í frum­varp­inu, sem er nýkomið inn á vef Alþing­is.