Sig­urður Ingi Jóhanns­son for­sæt­is­ráð­herra segir að að sínu mati væri það „mjög álit­legt að byggja nýjan Land­spít­ala ann­ars stað­ar, t.d. á Víf­ils­stöð­u­m.“ Þetta segir hann í svari við fyr­ir­spurn frá Stein­grími J. Sig­fús­syni, þing­manni Vinstri grænna. 

Stein­grímur J. spurði Sig­urð Inga hvar hann áliti heppi­leg­ast að nýr Land­spít­ali rísi og hvaða for­sendur væru einkum fyrir þeirri afstöðu. Sig­urður Ingi svar­aði þess­ari spurn­ingu ekki, en sagði aðeins að „fyrir liggur stefnu­mörkun Alþingis um end­ur­nýjun og upp­bygg­ingu Land­spít­ala, sbr. þings­á­lyktun nr. 45/143. Unnið er sam­kvæmt þeirri stefnu­mörk­un.“ 

Stein­grímur J. spurði svo að ef ráð­herra teldi það koma til greina að reisa nýjan spít­ala ann­ars staðar en við Hring­braut, líkt og for­veri hans Sig­mundur Davíð Gunn­laugs­son, hvaða stað­setn­ing það væri þá og með hvaða rök­um. Sig­urður Ingi sagði aðeins að það væri að hans mati mjög álit­legt að byggja nýjan spít­ala ann­ars stað­ar, til dæmis á Víf­ils­stöð­um. Hann rök­studdi þá skoðun sína ekki. 

Sig­mundur Davíð kom að minnsta kosti tví­vegis fram með þá hug­mynd að byggja nýjan Land­spít­ala ann­ars staðar en við Hring­braut eins og Alþingi hefur sam­þykkt. Í mars síð­ast­liðnum stakk hann upp á því að Víf­ils­staðir yrðu fyrir val­in­u. 

Krist­ján Þór Júl­í­us­son heil­brigð­is­ráð­herra gagn­rýndi Fram­sókn­ar­flokk­inn harð­lega fyrir vinnu­brögðin sem við­höfð voru þá, en hann heyrði fyrst af hug­myndum for­sæt­is­ráð­herra í fjöl­miðl­um. Hann hefur sagt að það sé alveg öruggt að Land­spít­al­inn verði við Hring­braut. Alþingi hafi tekið þá ákvörðun með lögum árið 2010, og svo aftur með lögum 2013. Árið 2014 var svo gerð sér­stök álykt­un, sem Sig­urður Ingi vís­aði í í svari sínu nú. Auk þess hefur Krist­ján Þór sagt að upp­bygg­ing Land­spít­ala við Hring­braut sé þegar haf­in.