Birgitta Jóns­dótt­ir, þing­maður Pírata, segir að hún myndi ekki sækj­ast eftir ráð­herra­stól ef Píratar kæmust í aðstöðu til að „ráðskast með það“ að loknum kosn­ing­um. „Ég tel að ég gæti nýst mun betur sem t.d. for­seti Alþingis en ráð­herra,“ skrifar Birgitta á Face­book-­síðu sína. „Ég þrái að laga svo margt sem er bilað og virkar ekki í störfum þings­ins og hvernig stofn­unin Alþingi er rek­in. Við erum að vinna að lang­tíma­á­ætlun um hvernig hægt er að efla þingið og breyta gagn­lausum valda­hefðum til að tryggja að valdið fær­ist í raun og sann til fólks­ins.“

Birgitta tjáir sig um brott­hvarf Helga Hrafns Gunn­ars­sonar af Alþingi, en hann til­kynnti í morgun að hann ætl­aði ekki að bjóða sig fram til áfram­hald­andi setu á Alþingi. Hann ætlar frekar að hella sér í gras­rót­ar­starf flokks­ins, sagði hann. „Helgi Hrafn Gunn­ars­son er ekki að hætta, hann er að færa sig til. Hann hefur verið að búa til öflug verk­færi sem munu nýt­ast bæði þing­heimi og almenn­ingi mjög vel. Hann kemur svo tví­efldur af reynslu og orku aftur inn á þing á þarnæsta kjör­tíma­bili. Þá verð ég horfin úr þing­heimum og von­andi verða margir búnir að öðl­ast dýr­mæta reynslu til að miðla til næstu kyn­slóða hins nýja Íslands,“ skrifar Birgitta. 

Hún seg­ist munu sakna þess mjög mikið að hafa Helga Hrafn ekki með á þingi. „En ég fagna þessu meira að hafa hann í því hlut­verki sem hann sjálfur metur að sé mik­il­væg­ara fyrir liðs­heild­ina. Það er nefni­lega svo að við erum ekki venju­legur flokkur og lítum ekki svo á að eitt hlut­verk sé mik­ils­verð­ara en ann­að. Reynsla hans af þing­störfum mun nýt­ast mjög vel í að byggja nauð­syn­lega brú á milli þings og gras­rót­ar/­þjóðar og ég hef óbilandi trú á því að þetta verk­efni Helga Hrafns muni verða mjög far­sælt og öðrum til eft­ir­breytn­i.“