Minja­stofnun rík­is­ins hefur borist krafa upp á 600 millj­ónir króna frá lög­manni fast­eigna­þró­un­ar­fé­lags­ins Reykja­vík Develop­ment vegna gamla hafn­ar­garðs­ins. Hann var við Aust­ur­bakka og var skyndi­frið­aður í fyrra að frum­kvæði Sig­mundar Dav­íðs Gunn­laugs­son­ar,  fyrr­ver­andi for­sæt­is­ráð­herra. Sig­rún Magn­ús­dótt­ir, þá settur for­sæt­is­ráð­herra, ákvað að friða hafn­ar­garð­inn en Sig­mundur Davíð vék frá mál­inu en Reykja­vík­ur­borg taldi hann van­hæfan til að taka ákvörð­un­ina.

Frétta­tím­inn greinir frá þessu í dag. Í frétt­inni kemur fram að krafa Reykja­vík­ Develop­ment sé ann­ars vegar sú, að greiddur verði útlagður kostn­aður eig­enda lóðar á reitnum við Toll­húsið við að færa hafn­ar­garð­inn og setja í geymslu í Örfiris­ey.

Hins vegar er farið fram á við­ræður um kostnað við að koma stein­unum fyrir aftur til sýnis fyrir almenn­ing. Lög­maður Reykja­vík­ Develop­ment, Bjarki Þór Sveins­son, segir að kostn­aður geti mögu­lega hlaupið á millj­örðum króna, að því er fram kemur í frétt Frétta­tím­ans.