Allur þing­flokkur Sam­fylk­ing­ar­innar hefur lagt fram frum­varp um að tak­marka kaupauka­greiðslur félaga sem hafa eða hafa haft leyfi til rekst­urs fjár­mála­fyr­ir­tækis en hafa verið tekin til sita­með­ferð­ar. Sömu­leiðis á bannið að ná yfir eignir félaga sem fara með eignir sem eru eða voru í eigu slíkra félaga. Ástæðan er áætlum eign­ar­halds­fé­laga utan um eft­ir­stand­andi eignir Kaup­þings, Glitnis og gamla Lands­bank­ans að greiða starfs­fólki sínu millj­arða króna í bónusa  fyrir að koma eign­unum í verð. Í stuttri grein­ar­gerð sem fylgir með frum­varp­inu segir m.a.: „  Í ljósi sög­unn­ar, eðli og upp­runa þeirra eigna sem umrædd félög höndla með er hér lagt til að skil­grein­ing laga um fjár­mála­fyr­ir­tæki á eign­ar­halds­fé­lagi á fjár­mála­sviði verði rýmkuð þannig að félög sem hafa eða hafa haft leyfi til rekst­urs fjár­mála­fyr­ir­tækis en tekin hafa verið til slita­með­ferðar og félög sem fara með eignir sem eru eða voru í eigu slíkra félaga falli þar und­ir. Engin rök standa til þess að und­an­skilja umrædd félög þeim reglum sem gilda um banka og eig­endur þeirra.“

Þegar eru í gildi lög sem tak­marka bón­us­greiðslur starfs­manna fjár­mála­fyr­ir­tækja við 25 pró­sent af árs­launum þeirra. Þau lög ná hins vegar ekki yfir eign­ar­halds­fé­lög í eigna­um­sýslu, líkt og þau Kaup­þing, Glitn­ir­Holdco og LBI eru. Frum­varp Sam­fylk­ing­ar­innar gengur út á að færa þessi félög undir lögin þannig að þau geti ekki greitt starfs­fólki sínu þá bónusa sem stjórnir þeirra hafa þegar sam­þykkt að greiða þeim.