Sig­mundur Davíð Gunn­laugs­son, fyrr­ver­andi for­maður Fram­sókn­ar­flokks­ins, stað­festir að hann ætlar að halda áfram sem odd­viti flokks­ins í Norð­aust­ur­kjör­dæmi í yfir­lýs­ingu sem hann setti á Face­book-­síðu sinni í dag. 

Sig­mundur Davíð seg­ist ekki hafa rætt við fjöl­miðla um nið­ur­stöðu flokks­þings Fram­sókn­ar­flokks­ins síð­ustu daga, en ástæðan sé sú „að á flokks­þing­inu og í aðdrag­anda þess urðu atburðir sem ég hefði ekki trúað að gætu átt sér stað í Fram­sókn­ar­flokkn­um. Mér fannst hins vegar ekki fara vel á að ræða það opin­ber­lega í beinu fram­haldi af nið­ur­stöðu þings­ins.“ Hann ætli enn að bíða með að ræða málin í fjöl­miðlum en geti stað­fest að honum sé ljúft og skylt að vinna áfram með félögum sínum í Norð­aust­ur­kjör­dæmi. „Gagn­vart þeim hef ég tekið að mér skyldur sem ég hef ekki hugsað mér að hverfa frá. Á næstu miss­erum mun ég þvert á móti fyrst og fremst ein­beita mér að því að sinna kjör­dæm­inu og mál­efnum þess.“ 

Sig­mundur Davíð þakkar einnig vinum sínum og stuðn­ings­mönnum í flokknum og utan hans fyrir stuðn­ing og kveðj­ur. „Jafn­framt heiti ég því að gef­ast ekki upp á að berj­ast fyrir því sem ég tel til þess fallið að bæta sam­fé­lagið og rétta hlut þeirra sem á er hallað með hverjum sem vill ganga til þeirra verka með mér­.“