Lög­menn þeirra níu fyrr­ver­andi starfs­manna Kaup­þings, sem dæmd­ir voru sekir í stóra mark­aðs­mis­notk­un­ar­máli Kaup­þings í gær, fá sam­tals 337,3 millj­ónir króna í málsvarn­ar­laun vegna máls­ins, sem er með umfangs­mestu mál­u­m ­sem komið hafa inn á borð dóm­stóla vegna hruns fjár­mála­kerf­is­ins, dag­ana 7. til­ 9. októ­ber 2008. Vegna mál­rekstrar í hér­aði greið­ast 262,6 millj­ónir en í Hæsta­rétti 74,7 millj­ón­ir.

Ingólfur Helga­­­son hlaut þyngstan dóm í mál­in­u, ­fjög­­­urra og hálfs árs fang­elsi. Bjarki H. Diego hlaut tveggja og hálfs árs dóm, Einar Pálmi Sig­­munds­­son tveggja ára skil­orðs­bund­inn dóm og Birnir Sær Björns­­son og Pétur Krist­inn Guð­mar­s­­son ­fengu báðir 18 mán­aða skil­orðs­bund­inn dóm. Sig­­­urður Ein­­­ar­s­­­son fékk eins árs hegn­ing­­­ar­auka við þann fjög­­­urra ára dóm sem hann hlaut í Al Than­i-­­­mál­in­u. Magn­úsi Guð­­munds­­syni og Björk Þór­­ar­ins­dótt­ur var ekki gerð sér­­­stök refs­ing fyrir þau brot sem þau voru dæmd fyr­­ir. Dóm Hæsta­réttar má lesa hér.

Refs­ing Hreið­­ars Más Sig­­urðs­­son­­ar, fyrr­ver­and­i ­for­­stjóra Kaup­­þings, var þyngd og honum gerður sex mán­aða hegn­ing­­ar­­auki.

Hæstu málsvar­launin komu í hlut Harðar Felix Harð­ar­son­ar, lög­manns Hreið­ars Más Sig­urðs­son­ar, en honum voru dæmdar 47,9 millj­ónir króna í málsvarn­ar­laun í hér­aði. Vegna mál­rekstrar í Hæsta­rétti greið­ast 12,9 millj­ónir og greið­ast það allt úr vasa Hreið­ars Más. Málsvarn­ar­laun Harðar eru því rúm­lega 60 millj­ónir vegna máls­ins.

Lög­maður Sig­urðar Ein­ars­son­ar, Gestur Jóns­son, fær 35,1 millj­ón króna í málsvarn­ar­laun vegna mála­rekstrar í hér­aði. Vegna máls­ins í Hæsta­rétti greiðir Sig­urður Gesti 6,4 millj­ónir króna. 

Lög­maður Ing­ólfs Helga­son­ar, Grímur Sig­urðs­son, fær 41,2 millj­ón­ir króna vegna mála­rekstrar í hér­aði. Vegna máls­ins í Hæsta­rétti þarf Ingólfur að greiða Grími 16,6 millj­ónir króna, og því sam­tals 57,8 millj­ónir króna.

Málsvarn­ar­laun Krist­ínar Edwald, lög­manns Magn­úsar Guð­munds­son­ar, voru 19,8 millj­ónir og áttu þau að greið­ast að öllu leyti úr rík­is­sjóði, sam­kvæmt dómi hér­aðs­dóms. Það sama átti við um málsvarn­ar­laun Hall­dórs Jóns­son­ar, lög­manns Bjark­ar Þór­ar­ins­dótt­ur, en málsvarn­ar­laun hans vegna máls­ins í hér­aði eru 10,7 millj­ónir króna. 

Í dómi Hæsta­réttar var þessu breytt og þurfa Magnús og Björk að greiða fjórð­ung málsvarn­ar­launa úr eigin vasa, Magnús 4,9 millj­ónir en Björk 2,6 millj­ón­ir. 

Vegna mála­rekstrar í Hæsta­rétti þurfa þau að greiða fjórð­ung af launum verj­enda sinna. Magnús 2,5 millj­ónir til Krist­ínar og Björk 1,4 millj­ónir til Helgu Mel­korku Ótt­ars­dótt­ur. Úr rík­is­sjóði fær Kristín 7,5 millj­ónir og Helga Mel­korka fær 4,1 millj­ón.

Lög­maður Bjarka Diego, Jóhannes Sig­urðs­son, fær 25,2 millj­ón­ir króna í málsvarn­ar­laun vegna máls­ins í hér­aði og 5,5 millj­ónir vegna mála­rekstrar í Hæsta­rétti.

Aðrir ákærðu í mál­inu, Einar Pálmi, Birnir Sær og Pétur Krist­inn, þurfa að greiða sínum lög­mönnum sam­tals 63,8 millj­ónir vegna máls­ins í hér­aði. Málsvarn­ar­laun Gizur­ar Berg­steins­son­ar, lög­manns Ein­ars Pálma, eru 14,6 millj­ón­ir, og lög­menn Birn­is ­Sæs og Pét­urs Krist­ins, Hall­dór Jóns­son og Víf­ill Harð­ar­son, fá 24,6 millj­ón­ir króna hvor í málsvarn­ar­laun.

Vegna mála­rekstrar í Hæsta­rétti þarf Einar Pálmi að greiða Giz­uri 5,3 millj­ón­ir, Birnir Sær þarf að greiða Hall­dóri 6,3 millj­ónir og Pétur Krist­inn Vífli 6,2 millj­ón­ir.

Til­ við­bótar þessu fékk Brynjar Níels­son, lög­maður og þing­maður Sjálf­stæð­is­flokks­ins, 1,6 millj­ónir króna í málsvarn­ar­laun vegna vinnu fyrir Bjarka Diego á rann­sókn­ar­stigi máls­ins, en Bjarki þarf að greiða honum þau laun að fullu sjálf­ur, sam­kvæmt dómi hér­aðs­dóms.

Annan áfrýj­un­ar­kostn­að, 3,5 millj­ónir króna, skulu ákærðu greiða óskipt, en ákærðu Magnús og Björk þó að fjórð­ungi hvort, að því er segir í dómi Hæsta­rétt­ar.