Hildur Sverr­is­dótt­ir, þing­maður Sjálf­stæð­is­flokks­ins, hefur ákveðið að biðj­ast lausnar sem borg­ar­full­trúi í borg­ar­stjórn Reykja­vík­ur. Það til­kynnti hún í dag. 

Hildur var vara­þing­maður Sjálf­stæð­is­flokks­ins en við frá­fall Ólafar Nor­dal varð hún þing­mað­ur. „Lausn­ar­beiðnin verður form­lega tekin fyrir á borg­ar­stjórn­ar­fundi þann 7. mars næst­kom­andi þar sem ég mun óska eftir því við borg­ar­stjórn, með vísan til 2. mgr. 30. gr. sveit­ar­stjórn­ar­laga, að mér verði veitt lausn frá öllum störfum mínum fyrir borg­ar­stjórn. Þangað til mun ég eftir fremsta megni koma útistand­andi málum í góðan far­veg.“ 

Hildur seg­ist hafa haft mikla ánægju af starfi sínu sem borg­ar­full­trúi en hún telji betra að öll mik­il­vægu verk­efnin sem bíði beggja megin Von­ar­strætis fái óskipta athygli. „Ég mun halda áfram að vinna fyrir Reyk­vík­inga í störfum mínum á Alþingi eins og við á. Ég þakka gott sam­starf við borg­ar­full­trúa og emb­ætt­is­menn borg­ar­innar und­an­farin ár.“ 

Marta Guð­jóns­dóttir verður borg­ar­full­trúi í stað Hild­ar. 

Tveir þing­menn sem voru kosnir í alþing­is­kosn­ing­unum í októ­ber síð­ast­liðnum eru enn bæj­ar­full­trú­ar. Það eru þær Theo­dóra S. Þor­steins­dótt­ir, þing­maður Bjartrar fram­tíð­ar, og Bryn­dís Har­alds­dótt­ir, þing­maður Sjálf­stæð­is­flokks­ins. Þær eru bæj­ar­full­trúar í Kópa­vogi og Mos­fellsbæ auk þess að sitja á þing­i.