Stein­grímur J. Sig­fús­son, þing­maður VG og fyrr­ver­andi fjár­mála­ráð­herra, er einn fimm þing­manna VG sem hafa lagt fram frum­varp á Alþingi um sér­stakar fjár­öfl­un­ar­ráð­staf­anir í vega­mál­um. Hin eru Ari Trausti Guð­munds­son, Kol­beinn Ótt­ars­son Proppé, Lilja Raf­ney Magn­ús­dóttir og Stein­unn Þóra Árna­dótt­ir. 

Sam­kvæmt frum­varp­inu myndu bens­ín­gjöld og olíu­gjöld hækka. Bens­ín­gjald af blý­lausu bens­íni færi úr 43,25 krónum á lítr­ann í 52 krón­ur, og gjöld af öðru bens­íni færu úr 45,85 krónum á lítr­ann í 54,74 krón­ur. Olíu­gjald færi úr 60,10 krónum á lítr­ann í 68,52 krónur á lítr­ann. 

Sam­kvæmt frum­varp­inu myndu fjár­heim­ildir Vega­gerð­ar­innar til nýfram­kvæmda aukast um sem nemur áætl­uðum tekjum vegna þess­ara hækk­ana, eða um 2.000 millj­ónum króna. Þá væri Vega­gerð­inni heim­ilt að færa 500 millj­ónir króna af við­halds- og þjón­ustu­lið yfir í nýfram­kvæmd­ir. 

„Nú verður ekki lengur við ríkj­andi ófremd­ar­á­stand unað og þar sem ekk­ert bendir til að ný rík­is­stjórn hygg­ist hverfa frá svelti­stefnu í sam­göngu­málum er frum­varp þetta um sér­stakar fjár­öfl­un­ar­ráð­staf­anir í vega­málum á árinu 2017 flutt,“ segir í grein­ar­gerð með frum­varp­in­u. 

Þar kemur einnig fram að mark­miðið með þessu sé að „bæta nokkuð úr því ófremará­standi sem við blasir“ í sam­göngu­mál­um. Með breyt­ing­unum væri hægt að setja nokkrar brýnar nýfram­kvæmd­ir, sem séu á gild­andi sam­göngu­á­ætlun en ráð­herra ætli nú að strika út, í útboð og í fram­kvæmd á þessu ári. 

Mikið hafi vantað upp á þessir mörk­uðu tekju­stofnar Vega­gerð­ar­inn­ar, sem gjöldin eru, hafi verið upp­færðir til sam­ræmis við verð­lags­þróun und­an­farin ár. Talið sé að Vega­gerðin hafi úr að spila að minnsta kosti sjö millj­örðum minna en ella vegna þessa. „Senni­lega er þar fremur um van­á­ætlun að ræða en hitt sökum mik­illar umferð­ar­aukn­ingar að und­an­förn­u.“ 

Frum­varpið eigi því að vera skref í átt að færa þetta til betri veg­ar. „Er ekki van­þörf á, sbr. síend­ur­teknar fréttir af ófremd­ar­á­standi á vegum lands­ins og hávær mót­mæli vegna þess nið­ur­skurðar frá sam­þykktri sam­göngu­á­ætlun sem mest er rætt um þessa dag­ana.“ 

Fréttin hefur verið upp­færð. Í upp­runa­legu skjali á vef Alþingi var Stein­grímur J. Sig­fús­son einn skráður flutn­ings­maður frum­varps­ins.