„Þrátt fyrir þá óvenju­legu stöðu að beina aðkomu Fram­sókn­ar­flokks­ins skorti við þessa banka­sölu mun umræddur banki von­andi lifa áfram eig­endum sín­um, starfs­mönnum og við­skipta­vinum til gagns. En auð­vitað er ekki á vísan að róa í banka­rekstri, alveg sama hver eig­and­inn er, eins og und­an­far­inn ára­tugur hefur kennt mönnum á nokkuð sárs­auka­fullan hátt á Vest­ur­lönd­um.“ Þetta segir Sig­ríður And­er­sen dóms­mála­ráð­herra í grein í Morg­un­blað­inu í dag. 

Þar fjallar hún um sölu á 29,18 pró­sent hlut í Arion banka til þriggja vog­un­ar­sjóða og Gold­man Sachs fyrir 48,8 millj­arða króna, sem til­kynnt var um á sunnu­dag. Kaup­end­urnir hafa auk þess kaup­rétt á 21,9 pró­sent hlut til við­bót­ar. Verði hann nýttur munu þeir verða meiri­hluta­eig­endur í bank­an­um. Selj­andi hlut­ar­ins er Kaup­þing ehf., en kaup­endur hans eiga um 66 pró­sent í því félag­i. 

Sig­ríður furðar sig á þeirri reiði sem sprottið hefur upp með þessi við­skipti einka­að­ila með hlut í banka. Eina aðkoma rík­is­ins hafi verið sú að sölu­and­virðið hafi runnið í rík­is­sjóð. Ráð­herr­ann segir þá sem orðið hafi svona reiðir vegna máls­ins hafi meðal ann­ars verið nokkrir þing­menn sem komið hefðu að og sam­þykkt þau lög sem um þessi mál gilda, bæði almenn lög sem gilda um eign­ar­hald banda og eft­ir­lit með þeim og sér­stök lög sem lögðu grunn að því að hægt væri að aflétta höft­unum að mestu leyti og vörð­uðu því leið­ina í þessum við­skiptum með hlut­inn í Arion banka. 

Mesta undrun Sig­ríðar vakti þó að sjá fyrr­ver­andi ráð­herra Fram­sókn­ar­flokks­ins lýsa efa­semdum um málið sem þeir sjálfir áttu svo ríkan þátt í með laga­setn­ingu á síð­asta kjör­tíma­bili. „En ef til villl höfðu hinir ágætu Fram­sókn­ar­menn vænt­ingar um að engir kaup­endur fynd­ust að bank­an­um, hann end­aði þar með á ein­hvern hátt í fangi rík­is­ins og yrði síðar meir liður í „end­ur­skipu­lagn­ingu“ Fram­sókn­ar­flokks­ins á fjár­mála­kerf­inu.