Kjara­ráð hefur úrskurðað að mán­að­ar­laun Hauks Odds­son­ar, for­stjóra Borg­un­ar, skuli vera rúmar 1,8 millj­ónir króna. Íslenska ríkið er stærsti eig­andi Borg­unar með ríf­lega 60 pró­sent hlut, í gegnum dótt­ur­fé­lag sitt Íslands­banka.



Í úrskurð­inum segir að horft sé til þess að sam­ræmis sé gætt þegar úrskurðað er um laun þeirra sem undir ráðið falla. „Í 8. gr. laga um kjara­ráð segir að það skuli við úrlausn mála gæta inn­byrðis sam­ræmis í starfs­kjörum þeim sem það ákveð­ur, og að þau séu á hverjum tíma í sam­ræmi við laun í þjóð­fé­lag­inu hjá þeim sem sam­bæri­legir geta talist með til­liti til starfa og ábyrgð­ar. Við á­kvörðun sína skuli kjara­ráð gæta þess að föst laun fyrir dag­vinnu, ann­arra en for­seta Íslands­, verði ekki hærri en föst laun for­sæt­is­ráð­herra sam­kvæmt 3. gr. Við ákvörðun launa­kjara ­sam­kvæmt 4. gr. lag­anna skuli sér­stak­lega gæta sam­ræmis milli þeirra og þeirra kjara hjá ­rík­inu sem greidd eru á grund­velli kjara­samn­inga ann­ars vegar og ákvarð­ana kjara­ráðs ­sam­kvæmt 3. gr. hins veg­ar. Þá skuli kjara­ráð ætíð taka til­lit til almennrar þró­unar kjara­mála á vinnu­mark­aði. Í 10. gr. lag­anna segir að ráðið skuli taka mál til með­ferðar þegar því þyk­i þurfa og ætíð ef orðið hafa veru­legar breyt­ingar á þeim launum í þjóð­fé­lag­inu sem höfð skulu til við­mið­unar sam­kvæmt lög­unum eða á störfum þeirra sem úrskurð­ar­vald ráðs­ins tekur til­. Kjara­ráð hefur ekki áður ákveðið for­stjóra Borg­unar hf. laun. Með vísan til þess inn­byrð­is­ ­sam­ræmis sem kjara­ráði ber að hafa að leið­ar­ljósi og áður er gerð grein fyrir er við ákvörð­un ­launa­kjara for­stjóra Borg­unar hf. horft til launa­kjara for­stöðu­manna ann­arra fjár­mála- og lána­stofn­ana sem undir kjara­ráð heyra, svo sem banka­stjóra Íslands­banka hf.,“ segir í úrskurð­in­um, en áður hafði ráðið úrskurðað um laun Birnu Ein­ars­dótt­ur, og voru laun hennar lækkuð um 40 pró­sent frá því sem var áður. 

Sam­kvæmt árs­reikn­ingi Borg­unar fyrir árið 2015 námu laun og þókn­anir til Hauks það ár rúmum þremur millj­ónum á mán­uði. Stjórn Borg­unar lagð­ist gegn því að laun for­stjór­ans lækk­uðu veru­lega, að því er segir í úrskurð­in­um, og var slíkt sagt fara gegn hags­munum fyr­ir­tæk­is­ins.

Málið hefur verið í vinnslu síðan í októ­ber á síð­asta ári þegar stjórn Borg­unar var gefin kostur á leggja fram grein­ar­gerð vegna vænt­an­legrar ákvörð­unar kjara­ráðs um launa­kjör for­stjóra Borg­un­ar. Stjórnin lagð­ist alfarið gegn launa­lækk­un­inni og það sama gerði Haukur Odds­son, for­stjóri Borg­un­ar. 

Þetta hafði engin áhrif á ákvörðun Kjara­ráðs. Horft var til ann­arra fjár­mála-og lána­stofn­ana sem heyra undir kjara­ráð, meðal ann­ars launa­kjara banka­stjóra Íslands­banka, eins og áður seg­ir, og komst ráðið í fram­hald­inu að þeirri nið­ur­stöðu að launin ættu að vera 1,8 millj­ónir á mán­uð­i. 

Nákvæmt­lega til­greint voru ákvörð­un­ar­orð ráðs­ins sme hér seg­ir: 

„Mán­að­ar­laun for­stjóra Borg­unar hf. skulu vera sam­kvæmt launa­flokki 502-140, nú 1.094.455 krón­ur. Að auki skal greiða honum 75 ein­ingar á mán­uði fyrir alla yfir­vinnu og á­lag er starf­inu fylg­ir. Ein­ing er 1% af launa­flokki 502-136, nú 9.572 krón­ur. 

Ein­ingar greið­ast alla mán­uð­i árs­ins, einnig í sum­ar­leyfi. Af því leiðir að ekki er greitt orlofsfé á ein­ing­ar. ­Laun eru miðuð við fullt starf þannig að ekki komi til frek­ari greiðslna nema kjara­ráð úr­skurði um það sér­stak­lega. 

Um almenn starfs­kjör for­stjóra Borg­unar hf. gilda reglur kjara­ráðs um starfs­kjör fram­kvæmda­stjóra félaga sem eru að meiri­hluta í eigu rík­is­sjóðs og dótt­ur­fé­laga þeirra frá 17. nóv­em­ber 2015.