ASÍ spáir áfram­hald­andi „kröft­ugum hag­vexti á þessu ári“ og að upp­sveiflan sé í hámarki um þessar mund­ir. Gert ráð fyrir 5,9 pró­sent hag­vexti á þessu ári en hann var 7,2 pró­sent í fyrra. 

Í nýrri hag­spá sam­bands­ins segir að til staðar séu hættu­merki meðal ann­ars vegna þeirra aðstæðna sem nú eru á fast­eigna­mark­aði, þar sem skortu á eignum er farin að valda tölu­verðum vand­ræð­um.

„Ákveðin hættu­merki eru til staðar og óvissa hefur auk­ist frá síð­ustu spá hag­deildar m.a.  vegna þeirra aðstæðna sem hafa mynd­ast á hús­næð­is­mark­aði og mögu­legra áhrifa úrskurðar kjara­ráðs. Enn­fremur eru efna­hags- og verð­lags­horfur háðar þróun ferða­þjón­ust­unnar í meira mæli en áður. Spáin gerir ráð fyrir auknum fjölda ferða­manna þó hægja muni á vext­inum en sú for­senda ræður miklu um þró­un­ina framund­an.“

„Við spáum kröft­ugum vexti þjóð­ar­út­gjalda á þessu ári þar sem einka­neysla eykst um 7,2% og fjár­muna­myndun um 13,5%. Vöxtur einka­neysl­unnar skýrist af auknum kaup­mætti og traust­ari fjár­hags­stöðu heim­il­anna sem hafa nýtt svig­rúmið til að greiða niður skuld­ir, end­ur­nýja var­an­legar neyslu­vörur og bíla og ferð­ast erlend­is. Það hægir á fjár­fest­ingu atvinnu­veg­anna en aukin íbúða­fjár­fest­ing og opin­ber fjár­fest­ing styðja við fjár­fest­inga­stigið á spá­tím­an­um,“ segir í spá ASÍ.

Þá er tekið fram að ASÍ geri ráð fyrir því að gengi krón­unnar styrk­ist á spá­tím­an­um. og að verð­bólga verði áfram undir 2,5 pró­sent verð­bólgu­mark­miði Seðla­bank­ans. „Hæg­ari styrk­ing krón­unnar síð­ari hluta spá­tím­ans eykur verð­bólgu­þrýst­ing og að óbreyttu verður verð­bólga um 2,4% á næsta ári og 2,6% árið 2019. Styrk­ing krón­unnar þrengir að útflutn­ings­greinum og við teljum brýnt að áhrif styrk­ingar krón­unnar á sam­keppn­is­stöðu ann­arra atvinnu­greina verði met­in,“ segir í sam­an­tekt ASÍ.

Þá er áréttað að við­vör­un­ar­bjöllur sé farnar að hringja á hús­næð­is­mark­aði. „Sölu­tími eigna hefur sjaldan verið skemmri og æ fleiri dæmi heyr­ast um að kaup­endur bjóði upp verð fast­eigna sökum skorts eða vænt­inga um fram­tíð­ar­hækkun fast­eigna­verðs. Aðstæður sem þessar geta hæg­lega leitt til þess að verð vaxi umfram það sem hefð­bundnir ákvörð­un­ar­þættir gefa til­efni til og því full ástæða til við­bragða að hálfu stjórn­valda.“

„ASÍ telur mik­il­vægt að bregð­ast við á leigu­mark­aði þar sem of stór hluti fólks býr við ótryggt hús­næði og íþyngj­andi hús­næð­is­kostn­að. Tryggja þarf ungu fólki og tekju­lágu öruggt leigu­hús­næði og gera leigu­hús­næði að raun­veru­legum val­kosti í búsetu. Til þess er brýnt að hraða upp­bygg­ingu leigu­í­búða í nýja Almenna íbúða­kerf­inu enn frekar og fjölga íbúðum um a.m.k. 1.000 á ári næstu árin í stað þeirra 600 sem nú eru áformuð á ári fram til árs­ins 2019,“ segir í spá ASÍ.